Enski boltinn

Tveir menn handteknir fyrir utan heimili Özil

Ingvi Þór Sæmundsson skrifar
Özil verður ekki með Arsenal gegn Newcastle. Óttast er um öryggi hans.
Özil verður ekki með Arsenal gegn Newcastle. Óttast er um öryggi hans. vísir/getty
Tveir menn voru handteknir fyrir utan heimili Mesuts Özil, leikmanns Arsenal, í London á fimmtudaginn.

Mennirnir tveir veittust að lífvörðum Özils. Lögreglan var kölluð til og árásarmennirnir voru í kjölfarið handteknir.

Tveir menn vopnaðir hnífum réðust á Özil og liðsfélaga hans hjá Arsenal, Sead Kolasinac, í síðasta mánuði.

Özil og Kolasinac verða ekki með Arsenal í leiknum gegn Newcastle United í dag. Óttast er um öryggi þeirra vegna atvika síðustu vikna.


Tengdar fréttir




Fleiri fréttir

Sjá meira


×