Tveir Eyjamenn og tveir HK-ingar í bann
Botnlið ÍBV og nýliðar HK verða án tveggja leikmanna í næstu umferð Pepsi Max-deildar karla.
Eyjamennirnir Sigurður Arnar Magnússon og Víðir Þorvarðarson voru úrskurðaðir í eins leiks bann á fundi aga- og úrskurðarnefndar KSÍ í gær.
Sigurður Arnar vegna fjögurra áminninga og Víðir vegna rauða spjaldsins sem hann fékk í leiknum gegn FH á laugardaginn. Næsti leikur ÍBV er gegn Fylki í Árbænum á sunnudaginn.
HK-ingarnir Bjarni Gunnarsson og Ásgeir Marteinsson taka út leikbann þegar HK mætir FH í Kórnum á mánudaginn. Bjarni fékk rautt spjald gegn KA á sunnudaginn og Ásgeir sína fjórðu áminningu á tímabilinu.
KA-maðurinn Steinþór Freyr Þorsteinsson, sem fékk rautt spjald í sama leik, tekur út leikbann þegar KA fær ÍA í heimsókn á sunnudaginn.
Þá verður Víkingurinn Erlingur Agnarsson í banni þegar Íslandsmeistarar Vals koma í Víkina á sunnudaginn. Erlingur var rekinn út af í leik Víkings og Fylkis í fyrradag.
Tengdar fréttir
Umfjöllun, viðtöl og einkunnir: Víkingur - Fylkir 1-1 | Víkingar upp úr fallsæti
Víkingur R. og Fylkir skildu jöfn, 1-1, í Víkinni í kvöld. Með stiginu komust Víkingar upp úr fallsæti.
Sjáðu slagsmálin og rauðu spjöldin í Kórnum í gær
Það voru mikil læti í lok leiks HK og KA í Pepsi Max deild karla í Kórnum í gærkvöldi en bæði liðin enduðu með tíu menn inn á vellinum.
Umfjöllun, viðtöl og einkunnir: HK - KA 2-1 | Áflog og dramatík í mikilvægum sigri HK
Nýliðar HK tóku á móti KA í Kórnum í 9. umferð Pepsi Max deildar karla í dag. Sigurinn kom HK upp í áttunda sæti og sendi KA niður í tíunda sætið. Víkingur getur farið upp fyrir KA-menn og sent þá í fallsætið á morgun.
Umfjöllun, viðtöl og einkunnir: ÍBV - FH 1-2 | Lennon með bæði mörkin í öðrum sigri FH í röð
FH gerði góða ferð til Eyja og vann 1-2 sigur á botnliði ÍBV í Pepsi Max-deild karla í dag. Steven Lennon skoraði bæði mörk FH-inga sem hafa unnið tvo leiki í röð.
