Enskur miðvörður til ÍBV
ÍBV hefur samið við enska miðvörðinn Oran Jackson. Þetta kemur fram á heimasíðu félagsins.
Hann kemur til ÍBV frá MK Dons á Englandi en samningur hans við enska C-deildarliðið rann út í sumar. Hann lék tíu leiki fyrir MK Dons í öllum keppnum.
Jackson, sem er tvítugur að aldri, lék þrjá leiki með utandeildarliðinu Brackley Town á síðasta tímabili.
Jackson er fjórði leikmaðurinn sem ÍBV fær í júlíglugganum. Áður voru Gary Martin, Benjamin Prah og Sindri Björnsson komnir til liðsins.
ÍBV er í tólfta og neðsta sæti Pepsi Max-deildar karla með fimm stig, sjö stigum frá öruggu sæti. Eyjamenn hafa fengið á sig flest mörk allra liða í deildinni, eða 29 talsins.
Næsti leikur ÍBV er gegn Fylki í Árbænum á sunnudaginn.
Tengdar fréttir
Tveir Eyjamenn og tveir HK-ingar í bann
ÍBV og HK verða án sterkra leikmanna í næstu umferð Pepsi Max-deildar karla.
Umfjöllun, viðtöl og einkunnir: ÍBV - FH 1-2 | Lennon með bæði mörkin í öðrum sigri FH í röð
FH gerði góða ferð til Eyja og vann 1-2 sigur á botnliði ÍBV í Pepsi Max-deild karla í dag. Steven Lennon skoraði bæði mörk FH-inga sem hafa unnið tvo leiki í röð.
Sjáðu mörkin úr sigri FH í Eyjum
FH vann ÍBV, 1-2, í eina leik dagsins í Pepsi Max-deild karla.
Jeffs og Andri stýra Eyjamönnum út tímabilið
Ian Jeffs og Andri Ólafsson fá það erfiða verkefni að bjarga ÍBV frá falli úr Pepsi Max-deild karla.
