Mendy missir af fyrsta mánuði tímabilsins
Benjamin Mendy, varnarmaður Englandsmeistara Manchester City, missir af byrjun næsta tímabils vegna meiðsla.
Mendy gekkst undir aðgerð á hné í maí og byrjar ekki að æfa aftur fyrr en um miðjan ágúst. Talið er líklegt að Frakkinn missi allavega af fyrsta mánuði tímabilsins.
Mendy hefur glímt við þrálát hnémeiðsli síðan hann kom til City frá Monaco fyrir tveimur árum. Hann hefur aðeins byrjað 14 leiki í ensku úrvalsdeildinni síðan hann kom til City.
Úkraínumaðurinn Oleksandr Zinchenko leysti stöðu vinstri bakvarðar með stakri prýði á síðasta tímabili og þá hefur City keypt Spánverjann Angelino aftur frá PSV Eindhoven. Hann var á mála hjá City á árunum 2014-18 en lék aðeins tvo leiki fyrir aðallið félagsins.
City mætir Wolves í úrslitaleik Asíubikarsins, æfingamóts í Kína, í dag.
Tengdar fréttir
Klopp: Ekki hægt að keppa við City og PSG á markaðnum
Jurgen Klopp segir ólíklegt að Liverpool muni láta nokkuð til sín taka á leikmannamarkaðnum í sumar.
Guardiola vill halda Sane en mun ekki standa í vegi fyrir honum
Mikið er ritað og rætt um framtíð Leroy Sane hjá Manchester City en þýska stórveldið Bayern Munchen hefur mikinn áhuga á að fá kappann til liðs við sig.
Leikmenn Man. City velja næsta fyrirliða liðsins
Knattspyrnustjóri Manchester City ætlar að leyfa leikmönnum Englandsmeistaranna að velja sér fyrirliða.
Meistarar Manchester City komnir í fyrsta úrslitaleikinn á nýju tímabili
Englandsmeistarar Manchester City spila til úrslita um Asíubikar ensku úrvalsdeildarinnar eftir 4-0 sigur á West Ham United í undanúrslitaleiknum í dag en þetta fjögurra liða hraðmót fer fram í Kína.
