Enski boltinn

„Of miklar tilfinningar“ hjá Sarri sem sendi Zola í viðtölin eftir jafnteflið gegn Burnley

Anton Ingi Leifsson skrifar
Zola og Sarri í látunum í leikslok.
Zola og Sarri í látunum í leikslok. vísir/getty

Það var enginn Maurizio Sarri, stjóri Chelsea, sem mætti í viðtöl eftir að Chelsea gerði 2-2 jafntefli við Burnley í enska boltanum í kvöld.

Sarri var vísað upp í stúku af dómara leiksins, Kevin Friend, undir lok leiksins eftir að hafa farið langt út fyrir boðvanginn, þar sem þjálfarar eiga að halda sig.

Gianfranco Zola, aðstoðarþjálfari Chelsea, mætti í viðtölin eftir leikinn og sagði hann að það væru of miklar tilfinningar hjá Sarri til þess að hann myndi mæta í viðtöl.

„Við vorum ósáttir. Það voru of miklar tafir. Fimm mínútur í uppbótartíma var ekki nóg. Við vorum að vonast eftir einhverju meira,“ sagði Zola við BBC í leikslok.

„Við bjuggumst við erfiðum leik en ekki svona miklum töfum. Við bjuggumst við að dómarinn myndi gefa meiri tíma í uppbótartíma og það er ástæðan fyrir því að við erum ósáttir.“

„Sarri var mjög ósáttur því hann heyrði ekki góða hluti um sig frá bekknum hjá Burnley. Eina ástæðan fyrir því að hann labbaði þarna yfir var til þess að fá leikmenn í sínar stöður.“

„Hann var að hjálpa dómaranum. Kevin rangtúlkaði þetta og ég er mjög ósáttur með þetta því Sarri vildi hjálpa honum,“ sagði ósáttur Zola.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.