Raheem Sterling, leikmaður Manchester City og enska landsliðsins, fékk í kvöld viðurkenningu fyrir baráttu sína gegn kynþáttafordómum.
„Þú verður að ganga á undan með góðu fordæmi fyrir næstu kynslóð,“ sagði Sterling er hann tók við verðlaununum á galakvöldi BT Sport.
Enski landsliðsmaðurinn hefur látið til sín taka í baráttunni gegn kynþáttafordómum og gengið vasklega fram í þeim efnum.
Sterling hefur til að mynda kallað eftir því að refsingar fyrir kynþáttafordóma verði hertar.
Sterling hefur orðið fyrir kynþáttafordómum á ferlinum, m.a. í leik Englands og Svartfjallalands í síðasta mánuði.
Sterling og félagar hans í Manchester City eru með eins stigs forskot á Liverpool á toppi ensku úrvalsdeildarinnar. City mætir Burnley í næsta leik sínum á sunnudaginn.
Sterling verðlaunaður fyrir baráttuna gegn kynþáttafordómum
Tengd skjöl
Tengdar fréttir
„Stuttermabolir og samfélagsmiðlar munu ekki breyta neinu“
Tímabilið í ár býður upp á eina mest spennandi titilbaráttu sem sést hefur í mörg ár í ensku úrvalsdeildinni. Einn af lykilmönnunum í þessari baráttu er Raheem Sterling en hann hefur þó verið meira áberandi í annari baráttu.
City í bílstjórasætinu eftir sigur í grannaslagnum
Bernardo Silva og Leroy Sane afgreiddu Manchester United.
Fullyrða að leikmennirnir hafi kosið Van Dijk þann besta
Varnarmaður Liverpool sá besti í úrvalsdeildinni á leiktíðinni.
Sterling borgar fyrir jarðaför ungs drengs
Fallega gert af enska framherjanum.
