Gylfi Þór Sigurðsson hefur hlaupið manna mest í níu leikjum Everton í ensku úrvalsdeildinni í vetur.
Gylfi hljóp einnig mest allra leikmanna í ensku úrvalsdeildinni á síðasta tímabili. En hver er lykilinn á bak við þessa miklu hlaupagetu íslensku landsliðsmannsins?
„Kannski hjálpar það að borða allan þennan íslenska fisk,“ svaraði Gylfi brosandi í samtali við Daily Mail.
„Ég borða hollt og æfi vel. Ég held að það henti mér betur að hlaupa langar vegalengdir en taka spretti. Þetta er ekki eitthvað sem byrjaði í skólanum. Þar var það bara fótbolti. Það er ekki fyrir mig að hlaupa án bolta!“
Í viðtalinu við Daily Mail ræðir Gylfi einnig um brottrekstur Pauls Clement frá Swansea og nýjan knattspyrnustjóra Everton, Sam Allardyce.
Viðtalið má lesa með því að smella hér.
