Enski boltinn

Keown: Óviðeigandi hjá Shakespeare að sækjast eftir stjórastarfinu

Ingvi Þór Sæmundsson skrifar
Shakespeare er með 100% árangur sem bráðabirgðastjóri Leicester.
Shakespeare er með 100% árangur sem bráðabirgðastjóri Leicester. vísir/getty
Martin Keown, fyrrverandi varnarmaður Arsenal, er ósáttur við að Craig Shakespeare sækist eftir stjórastarfinu hjá Leicester City.

Shakespeare tók við Englandsmeisturunum til bráðabirgða eftir að Claudio Ranieri var látinn taka pokann sinn.

Shakespeare hefur stýrt Leicester í tveimur leikjum, gegn Liverpool og Hull City, en þeir hafa báðir unnist 3-1.

„Skyndilega vill hann verða stjóri. Ég er ekki yfir mig hrifinn af því,“ sagði Keown í Match of the Day á BBC í gær.

„Ef þú varst aðstoðarþjálfari Ranieris og hann er farinn, af hverju viltu allt í einu verða stjóri? Það er allt í góðu að hafa metnað en mér finnst það allt að því óviðeigandi að hann vilji stjórastarfið,“ bætti Keown við en hann telur að Leicester reyni að fá reynslumeiri stjóra en Shakespeare.

Nigel Pearson, fyrrverandi stjóri Leicester, fékk Shakespeare til félagsins 2008. Maðurinn með skáldlega nafnið hefur verið hjá Leicester síðan þá, fyrir utan stutt stopp hjá Hull 2010-11.

Enski boltinn

Tengdar fréttir

Kónginum hent á dyr

Leicester City rak á fimmtudag stjóra félagsins, Claudio Ranieri. Ákvörðun eiganda Leicester kom mörgum á óvart og gerði fleiri hreinlega bálreiða.

Vardy segist ekki hafa kallað eftir brottrekstri Ranieri

Jamie Vardy segir ekkert til í þeim sögusögnum að hann hafi verið meðal leikmanna sem óskuðu eftir því að Claudio Ranieri yrði rekinn sem stjóri Leicester City en hann sendi fyrrum stjóra sínum kveðju á Instagram-síðu sinni í dag.

Koss dauðans stóð undir nafni

Claudio Ranieri er ekki lengur knattspyrnustjóri því hann var eins og flestir vita rekinn í gærkvöldi aðeins níu mánuðum eftir að hann gerði Leicester City að enskum meisturum.

Leicester er búið að tala við Hodgson

Englandsmeistarar Leicester City eru í leit að nýjum knattspyrnustjóra og kemur það mörgum á óvart að félagið hafi áhuga á Roy Hodgson, fyrrum landsliðsþjálfara Englands.

Ranieri rekinn

Breskir fjölmiðlar greina frá því að Leicester City sé búið að reka knattspyrnustjórann Claudio Ranieri.

Mest lesið


Fleiri fréttir

Sjá meira


×

Mest lesið