Vardy segist ekki hafa kallað eftir brottrekstri Ranieri

Jamie Vardy, leikmaður Leicester, deildi mynd á Instagram-síðu sinni þar sem hann segir ekkert til í þeim sögusögnum að hann hafi verið meðal leikmanna sem hafi óskað eftir því að Claudio Ranieri yrði rekinn en það vakti mikla athygli þegar Ranieri var sagt upp störfum fyrr í vikunni.

Liðu aðeins níu mánuðir á milli þess að Ranieri tók á móti enska meistaratitlinum eftir ævintýrlegt ár með liði sem flestir spáðu fallbaráttu en voru að lokum krýndir enskir meistarar. Er um eitt ótrúlegasta íþróttaafrek í manna minnum að ræða en minni spámenn á borð við Vardy, Wes Morgan og Danny Drinkwater spiluðu eins og hershöfðingjar allt tímabilið.

Titilvörnin gekk hinsvegar ekki eins og í sögu en félagið var skyndilega búið að sogast niður í alvöru fallbaráttu og hefur ekki verið sjón að sjá leikmenn á borð við Vardy og Ryiad Mahrez.

Eftir 1-2 tap í Sevilla í vikunni var Ranieri sagt upp störfum og voru ensk blöð fljót að benda á sök leikmannana að þeir hefðu óskað eftir þessu en Vardy segir ekkert til í að hann hafi verið einn þeirra.

„Ég mun alltaf bera virðingu fyrir Claudio því það sem við afrekuðum saman var hið ómögulega. Hann hafði trú á mér og ég mun alltaf vera honum þakklátur. Sögusagnirnar um að ég hafi óskað eftir því að hann yrði rekinn eru ekki aðeins ósannar heldur einnig særandi,“ sagði Vardy og hélt áfram:

„Við spiluðum einfaldlega ekki nægilega vel og við leikmennirnir vitum af því. Ég óska Claudio góðs gengis í hverju því sem hann tekur sér fyrir og þakka honum enn og aftur fyrir samstarfið.“

I must have written and deleted my words to this post a stupid amount of times! I owed Claudio to find the right and appropriate words! Claudio has and always will have my complete respect! What we achieved together and as a team was the impossible! He believed in me when many didn't and for that I owe him my eternal gratitude. There is speculation I was involved in his dismissal and this is completely untrue, unfounded and is extremely hurtful! The only thing we are guilty of as a team is underachieving which we all acknowledge both in the dressing room and publicly and will do our best to rectify. I wish Claudio the very very best in whatever the future holds for him. Thank You Claudio for everything.

A post shared by Jamie Vardy (@vardy7) on Feb 25, 2017 at 11:33am PST