Gylfi besti maður vallarins: „Hann gerði allt rétt“

Gylfi Þór Sigurðsson sýndi allar sínar bestu hliðar í 2-1 sigri Swansea gegn Aston Villa í ensku úrvalsdeildinni um helgina.

Íslenski landsliðsmaðurinn kórónaði svo flotta frammistöðuna sína með frábæru aukaspyrnumarki sem Brad Guzan réð ekki við.

„Hann var hungraður og gerði það sem hann gerir best. Mér fannst hann vera gera of mikið, hlaupa of mikið og reyna of mikið. Núna gerði hann allt rétt þegar hann fékk boltann,“ sagði Arnar Gunnlaugsson um Gylfa í Messu gærkvöldsins og Þorvaldur Örlygsson bætti við:

„Hann er duglegur að finna holurnar vinstra og hægra megin. Þetta eru ekki margir metrar eins og Arnar segir en hann er alltaf á ferðinni og aldrei í snóker.“

Arnar bætti svo við: Góð tía þarf að vera þessi klóki leikmaður sem finnur sér rétta stöðu á vellinum.“

Alla umræðuna um Gylfa Þór má sjá í spilaranum hér að ofan.