Sugar hefur trú á Arsenal

Lord Alan Sugar, fyrrverandi stjórnarformaður Tottenham, segir að Arsenal geti unnið ensku úrvalsdeildina á næsta tímabili.

„Það er erfitt fyrir mig að segja þetta, en ég held að Arsenal geti komið á óvart,“ sagði Sugar, sem gegndi stöðu stjórnarformanns Tottenham á árunum 1991-2001.

Sugar bætti við að Arsene Wenger, knattspyrnustjóri Arsenal, hafi gert góða hluti á síðustu leiktíð.

„Hann missti Theo Walcott út vegna meiðsla, hann missti Aaron Ramsey út og hann náði samt að koma Arsenal í góða stöðu,“ sagði Sugar, en Arsenal endaði í 4. sæti ensku úrvalsdeildarinnar á síðustu leiktíð, auk þess sem liðið vann ensku bikarkeppnina.