Walcott ekki lengur hraðastur

Theo Walcott segir að Hector Bellerin, 19 ára Spánverji, sé nú sprettharðasti leikmaðurinn í röðum Arsenal.

Árið 2009 sló Walcott hraðametið hjá Lundúnaliðinu þegar hann hljóp 40m á 4,42 sekúndum og bætti þar með met Theirry Henry um 0,40 sekúndur. Aðspurður hvort hann myndi sigra Henry í kapphlaupi í dag sagði Walcott:

„Já! Thierry er kominn vel á fertugsaldurinn, svo það yrðu mikil vonbrigði að tapa fyrir honum. Ég sló hraðamet hans sem Bellerin hefur síðan slegið.“

Walcott er að ná sér eftir meiðsli sem héldu honum frá keppni seinni hluta síðasta tímabils.

Bellerin, sem er hægri bakvörður, lék átta leiki sem lánsmaður hjá Watford á síðustu leiktíð.