Enski boltinn

Kinnear hættur hjá Newcastle

Eiríkur Stefán Ásgeirsson skrifar
Vísir/Getty
Stuðningsmenn Newcastle fagna sjálfsagt þeim fregnum að Joe Kinnear sé nú hættur störfum sem yfirmaður knattspyrnumála hjá félaginu.

Óhætt er að fullyrða að Kinnear hefur ekki verið vinsælasti maðurinn hjá stuðningsmönnunum en eini leikmaðurinn sem liðið keypti eftir ráðningu Kinnear var sextán ára táningur að nafni Olivier Kemen.

Newcastle seldi Yohan Cabay til PSG í síðasta mánuði og reyndi að kaupa bæði Clement Grenier og Remy Cabella. Það mistókst en Kinnear tókst aðeins að fá tvo leikmenn að láni - þá Loic Remy og Luuk De Jong.

Aðeins degi eftir ráðningu Kinnear fór hann í umdeilt útvarpsviðtal þar sem hann fór frjálslega með hinar ýmsu staðreyndir sem tengdust ferli hans og þá bar hann nöfn fjölmargra leikmanna Newcastle rangt fram.

Cabaye, einn þeirra leikmanna, staðfesti í síðustu viku að Kinnear hefði aldrei beðið hann afsökunar. Hann hafi í raun aldrei talað við manninn.

Kinnear, sem stýrði Newcastle á sínum tíma, var skipað að halda sig fjarri æfingasvæði Newcastle svo hann myndi ekki skipta sér af störfum knattspyrnustjórans Alan Pardew.

Newcastle er í áttunda sæti ensku úrvalsdeildarinnar með 37 stig.

Enski boltinn

Tengdar fréttir

Kinnear segist vera bestur

Það hefur verið mikið hlegið að Newcastle fyrir að ráða Joe Kinnear sem yfirmann knattspyrnumála. Kinnear hefur síðan lítið hjálpað sjálfum sér með umdeildum yfirlýsingum upp á síðkastið.

Kinnear fluttur á sjúkrahús

Joe Kinnear, knattspyrnustjóri Newcastle, hefur verið fluttur á sjúkrahús eftir að hafa veikst á hóteli liðsins fyrir leikinn gegn West Brom í dag.

Kinnear má snúa aftur

Joe Kinnear hefur fengið leyfi lækna til að snúa aftur í knattspyrnustjórn. Kinnear þurfti að láta af störfum hjá Newcastle á síðasta tímabili eftir aðgerð sem hann gekkst undir.

Kinnear lætur Shearer heyra það

Hinn nýráðni yfirmaður knattspyrnumála hjá Newcastle, Joe Kinnear, heldur áfram að gera allt vitlaust en hann er í hressilegu viðtali við Sunday Times í dag.

Kinnear fær grænt ljós

Joe Kinnear hefur fengið grænt ljós á að hann megi snúa aftur til starfa hjá Newcastle eftir jákvæðar niðurstöður úr læknisrannsóknum hans.

Ekki þrýst á Kinnear

Forráðamenn Newcastle eru ekki reiðubúnir að leyfa Joe Kinnear að snúa fyrr til starfa hjá félaginu en áætlað hefur verið.

Llambias hættur hjá Newcastle

Derek Llambias hefur sagt starfi sínu sem framkvæmdarstjóri Newcastle lausu aðeins degi eftir að Joe Kinnear var ráðinn yfirmaður knattspyrnumála.

Ég er gáfaðri en stuðningsmennirnir

Joe Kinnear, nýráðinn yfirmaður knattspyrnumála hjá Newcastle, hefur verið ófeiminn við að segja sínar skoðanir í fjölmiðlum.

Mest lesið


Fleiri fréttir

Sjá meira


×

Mest lesið