Cleverley lánaður frá United til Villa

Tom Cleverley, miðjumaður Manchester United, hefur verið lánaður frá félaginu til Aston Villa, en enska úrvalsdeildin samþykkti félagaskiptin í dag, löngu eftir að glugganum var lokað.

Cleverley verður á láni hjá Villa fram í janúar þegar glugginn verður opnaður aftur, en Villa getur þá keypt hann fyrir 7,5 milljónir punda.

Fyrr í vikunni var United búið að samþykkja átta milljóna punda tilboð Villa í leikmanninn en ekkert varð úr því, að því talið er vegna launakrafna Cleverleys.

Samningur miðjumannsins við Manchester United rennur út næsta sumar.