Sagna fer frá Arsenal

Bakvörðurinn Bacary Sagna hefur staðfest að hann muni fara frá Arsenal í sumar þegar samningur hans rennur út.

Þetta hefur legið í loftinu en hann hefur nú staðfest þetta með því að hafna nýju samningstilboði frá Arsenal.

Hinn 31 árs gamli Frakki hefur verið hjá félaginu undanfarin sjö ár og stóð til boða að gera nýjan tveggja ára samning.

Hann hefur verið sterklega orðaður við Manchester City og önnur stórlið í Evrópu en Sagna hefur áður sagt að hann vilji fá sín mál á hreint fyrir HM í Brasilíu.