Herrera verður klár í slaginn um helgina

Ander Herrera, spænski miðjumaður Manchester United, er búinn að ná sér af meiðslunum og verður klár í slaginn um helgina þegar Manchester United mætir nýliðum QPR á heimavelli.

Herrera sem gekk til liðs við Manchester United frá Athletic Bilbao í sumar meiddist á ökkla á æfingu á dögunum og hefur misst af undanförnum leikjum.

Hann staðfesti hinsvegar á Twitter-síðu sinni að hann væri byrjaður að æfa á ný og að hann gæti tekið þátt í leiknum á laugardaginn en Manchester United bíður enn eftir fyrsta sigri liðsins undir stjórn Louis Van Gaal.

Training hard and looking forward to this next game at Old Trafford! pic.twitter.com/uQMwGK0kc6

— Ander Herrera (@AnderHerrera) September 8, 2014