Johnson og Moreno meiddust báðir í gærkvöldi

Liverpool metur hversu alvarleg meiðsli varnarmannanna GlensJohnsons og AlbertoMoreno eru í dag, en báðir meiddust í 3-1 tapinu gegn Manchester City í gærkvöldi.

Johnson haltraði af velli seint í seinni hálfleiknum og þurfti Liverpool því að klára leikinn með ellefu menn, og þá sneri Moreno upp á ökklann undir lok leiksins.

Hann hefði líklega verið tekinn út af líka ef Liverpol hefði ekki þá þegar verið orðið manni færra á móti meisturunum.

Moreno var að spila sinn fyrsta leik fyrir Liverpool eftir tólf milljóna punda kaup félagsins á honum frá Sevilla. Spánverjinn átti stök á fyrsta marki leiksins sem StefanJovetic skoraði.

Jovetic bætti við öðru marki áður en Sergio Agüero skoraði það þriðja, en PabloZabaleta varð fyrir því óláni að skora sjálfsmark í liði Manchester City. Meistararnir með fullt hús eftir tvær umferðir, en Liverpool þrjú stig.