Myndskeið fangar síðustu andartökin um borð í MH17

Stutt myndskeið er talið sýna síðustu andartök farþeganna um borð í flugvél Malaysia Airlines sem var skotin niður með flugskeyti í gær.

Farþegi um borð í vélinni að nafni Md Ali Md Salim, þrjátíu ára gamall nemi, var á leið heim til Malasíu til að hitta fjölskyldu sína og taka sér frí frá lærdómnum.

Md Salim tók upp myndskeiðið og birti á Instagram síðu sinni, sem er læst. Talið er að einhver sem hafði aðgang að síðu mannsins hafi deilt því á myndbandssíðunni Youtube.

Samkvæmt Daily Mail á eftirfarandi athugasemd að hafa staðið undir myndbrotinu:

"Bismillah... #hatiadasikitgentar" (Í guðs nafni... mér líður dálítið órólega.)

Hér fyrir neðan má sjá myndbandið umrædda.