Öll mörkin úr enska boltanum og meira til | Myndbönd

Eins og ávallt má sjá samantektir úr öllum leikjunum í ensku úrvalsdeildinni á Sjónvarpsvef Vísis.

Myndböndin birtast að lokinni hverri umferð og eru í birtingu í eina viku. Þar má sjá öll mörk leikjanna sem og helstu tilþrifin.

Þar að auki má finna myndbönd þar sem umferðin er gerð upp í máli og myndum. Leikmaður og lið umferðarinnar er valið, sem og bestu mörkin, bestu markvörslurnar og eftirminnilegasta augnablikið.

En fyrir þá sem vilja einfaldlega sjá allt það helsta sem gerðist í umferðinni í stuttu og skemmtilegu myndbandi er það einnig í boði. Þá er einnig slegið á létta strengi og flottustu tilþrifin tekin saman.

Efst í fréttinni má sjá samantekt úr leikjum gærkvöldsins en þá fóru fjórir leikir í gær. Helst bar til tíðinda að Manchester City skellti sér á topp deildarinnar með 5-1 sigri á Tottenham.