Sýknaður af ákæru fyrir að segja brandara á Twitter

Hæstiréttur í Bretlandi sýknaði í gær mann fyrir að segja brandara á Twitter. Málið hefur vakið mikla athygli og verið eitt umdeildasta mál dómsmál síðari ára í landinu.

Í janúar árið 2010 átti Paul Chambers nokkur bókað flug frá Robin Hood flugvelli á Englandi. Sökum veðurfars féllu nokkur flug niður. Þá skrifaði Chambers örfærslu á Twitter: „Fandinn! Flugvöllurinn er lokaður. Þið hafið eina viku til að redda þessu annars sprengi ég völlinn í loft upp." Hann var fyrir vikið handtekinn og vinnuveitendur hans ráku hann.

Saksóknari í landinu ákvað að lögsækja hann fyrir að senda ógnvekjandi skilaboð. Á neðra dómsstigi var Chambers fundinn sekur. Hann áfrýjaði þeim dómi og í gær komst Hæstiréttur Bretlands að því hann væri saklaus. Þar með gaf hann það fordæmi að menn megi senda ógnvekjandi skilaboð út á netið ef fólkið sem les þau hefði aldrei tekið mark á þeim eða litið á þau sem lélegan brandara.

Chambers sagði eftir að niðurstaðan lá fyrir að honum væri óendanlega létt. Málaferlin hafa þegar kostað hann tvö störf og komið honum á sakaskrá.

Frá því málið hófst hafa ýmsir orðið til að lýsa stuðningi sínum á Chambers, t.d. stjórnmálamenn, grínistar og notendur samfélagsmiðla. Grínistarnir Stephen Fry og Al Murray hrintu af stað herferð sem verndaði rétt fólks til að segja lélega brandara.

The Guardian segir frá.