Enski boltinn

Swansea og Hoffenheim komast að samkomulagi um kaupverð á Gylfa

Kolbeinn Tumi Daðason skrifar
Nordic Photos / Getty
Sky Sports greinir frá því að enska úrvalsdeildarfélagið Swansea og Hoffenheim í Þýskalandi hafi komist að samkomulagi um kaupverðið á íslenska landsliðsmanninum Gylfa Þór Sigurðssyni.

Gylfi, sem er á mála hjá Hoffenheim, var lánaður til Swansea í janúar og sló í gegn. Hann hefur margoft líst yfir áhuga sínum að spila áfram á Englandi en Hoffenheim hefur hafnað fyrri tilboðum Swansea í kappann.

Enski fjölmiðillinn telur kaupverðið vera í kringum sjö milljónir punda eða sem nemur rúmum 1,4 milljarði íslenskra króna. Gylfi yrði dýrasti leikmaðurinn í sögu Swansea gangi allt eftir. Frétt enska miðilsins má sjá hér.

Gylfi æfir þessa dagana með íslenska landsliðinu sem mætir Frökkum í æfingaleik ytra á sunnudaginn.


Tengdar fréttir

Swansea þarf væntanlega að tvöfalda félagsmetið til að kaupa Gylfa

Eins og kom fram í gær þá stefnir allt í það að Swansea City sé að ná samningum við þýska liðið Hoffenheim um kaup á íslenska landsliðsmanninum Gylfa Þór Sigurðssyni. Stjórnarmaðurinn Huw Jenkins eyddi síðustu dögum í Þýskalandi við að reyna að semja um kaupverð og velskir fjölmiðlar hafa sagt frá því að það sé stutt í að samningar náist.

Stefnir í mikinn slag um þjónustu Gylfa í sumar

Brendan Rodgers, stjóri Swansea, hefur staðfest að félagið ætli sér að reyna að kaupa Gylfa Þór Sigurðsson í sumar. Það verður þó ekki auðvelt því fjöldi félaga hefur áhuga á Gylfa.

Kicker: Swansea bauð 1,5 milljarða í Gylfa

Þýska blaðið Kicker greindi frá því í kvöld að Swansea hafi boðið Hoffenheim níu milljónir evra, tæpan einn og hálfan milljarð króna, í Gylfa Þór Sigurðsson.

Mest lesið


Fleiri fréttir

Sjá meira


×

Mest lesið