Fyrrverandi saksóknari í Bandaríkjunum gagnrýnir blaðið Boston Globe sem greindi frá því í gær að Anna Björnsdóttir hefði sagt alríkislögreglunni bandarísku frá því hvar glæpaforinginn James Bulger gæti verið niðurkominn.
Dagblaðið Boston Herald fjallar um málið í dag eins og raunar flestir miðlar heimsins en Bulger var um tíma eftirlýstasti maður Bandaríkjanna og voru tvær milljónir dollara settar til höfuðs honum. Hann var handtekinn í sumar og fljótlega var greint frá því að ábending um dvalarstað hans hefði komið frá Íslandi. Nú hefur Boston Globe greint frá því að sú sem benti lögreglu á Bulger hafi verið Anna Björnsdóttir sem bjó um tíma í sama húsi og Bulger og lagskona hans. Bandaríska alríkislögreglan hafði heitið því að nafn Önnu yrði ekki gefið út en blaðamaður Boston Globe komst hinsvegar að því og greindi frá í gær.
Michael Sullivan, fyrrverandi saksóknari í Bandaríkjunum segir að ekki sé fyllilega hægt að ábyrgjast öryggi Önnu og gagnrýnir hann blaðið harðlega fyrir að nafngreina hana. Það sé ónauðsynlegt og gæti dregið úr líkum á því að fólk verði í framtíðinni fáanlegt til að koma fram og greina frá vitneskju sinni.
Hann bendir hinsvegar á að Bulger, sem orðinn er 82 ára gamall og er sakaður um nítján morð, sé hataður af flestum gömlu samstarfsfélögunum og því ólíklegt að einhver vilji leggja það á sig að hefna fyrir handtöku hans.
Gagnrýnir Boston Globe fyrir að greina frá nafni Önnu Björns
Tengdar fréttir
Ósáttur við að íslenska konan fái allt verðlaunaféð í Bulger málinu
Maður einn í Las Vegas í Bandaríkjunum er afar ósáttur við FBI, bandarísku alríkislögregluna, fyrir að greiða íslenskri konu alla upphæðina sem sett var til höfuð James "Whitey" Bulger.
Skólabókardæmi um góðan flóttamann - íslensk árvekni felldi hann
Glæpaforinginn James "Whitey“ Bulger er skólabókardæmi yfir það hvernig á að forðast langan arm réttvísinnar samkvæmt lögreglumanni sem var í sérsveit sem hafði það eitt að markmiði að hafa upp á honum.
Fullyrða að upplýsingar um glæpaforingja hafi komið frá Íslandi
Það var kona, búsett á Íslandi, sem veitti Alríkislögreglunni í Bandaríkjunum, FBI, upplýsingar sem leiddu til þess að James “Whitey” Bulger var handtekinn á miðvikudag. Þetta fullyrðir fréttastofa í Boston í Bandaríkjunum. Fréttastofan segist hafa þetta eftir heimildum úr lögreglunni.
Íslensk fegurðardrottning stöðvaði glæpamann
Bandaríska blaðið Boston Globe fjallar ítarlega um handtökuna á James "Whitey" Bulger sem var á topp tíu lista FBI yfir eftirlýsta glæpamenn í dag.
„Whitey" Bulger handtekinn í Santa Monica
Bandaríska alríkislögreglan FBI hefur handtekið James "Whitey" Bulger, glæpaforingja frá Boston sem hefur verið á flótta í sextán ár. Bulger var efstur á lista þeirra sem alríkislögreglan vill ná í eftir að Osama Bin Laden var drepinn í Pakistan á dögunum.
Fríða kom upp um „dýrið“
"Það er ótrúlegt að það hafi þurft fegurðardrottningu frá Íslandi til þess að hafa uppi á einum hættulegasta glæpamanni Bandaríkjanna," segir rannsóknarblaðamaður Boston Globe um mál Whitey Bulger sem var handtekinn eftir ábendingu frá Önnu Björnsdóttur.
Reyna að ná í glæpón með því að lýsa eftir kærustunni
Bandaríska alríkislögreglan hefur ákveðið að beita óhefðbundum aðferðum til þess að freista þess að hafa hendur í hári James "Whitey" Bulger, sem er efstur á lista stofnunarinnar yfir eftirlýsta glæpamenn.
Bulger veldur titringi innan bandarísku alríkislögreglunnar
Handtaka James "Whitey“ Bulger hefur valdið titringi innan bandarísku alríkislögreglunnar í ljósi þess að Bulger, sem er 81 árs gamall, var uppljóstrari lögreglunnar á sama tíma og hann var nokkurskonar glæpakóngur í Boston.
Nýr maður á topp lista FBI yfir eftirlýsta glæpamenn
Hinn rúmlega áttræði James J. Bulger er nú efstur á lista Alríkislögreglu Bandaríkjanna, FBI, yfir eftirlýsta glæpamenn í heiminum.Osama bin Laden skipaði þann sess áður.
