Líkleg byrjunarlið Man Utd og Arsenal

Aðeins eitt stig skilur að Manchester United og Arsenal fyrir toppslag liðanna í ensku úrvalsdeildinni í kvöld. Cesc Fabregas verður líklega ekki með gestunum vegna meiðsla.

Guardian hefur birt líkleg byrjunarlið fyrir kvöldið. Vinstri bakvarðarstaðan gæti verið áhyggjuefni fyrir Arsenal þar sem Kieran Gibbs spilar ekki meira á þessu ári og Gael Clichy er tæpur.

Hjá heimamönnum eru miðvörðurinn Rio Ferdinand og miðjumaðurinn Paul Scholes tæpir. Eins og í mörgum öðrum stórleikjum ensku úrvalsdeildarinnar er það Howard Webb sem dæmir en leikurinn hefst á Old Trafford klukkan 20:00.

Líklegt byrjunarlið Man Utd (4-4-2):

Van der Sar

Rafael - Ferdinand - Vidic - Evra

Nani - Fletcher - Scholes - Park

Rooney - Berbatov

Líklegt byrjunarlið Arsenal (4-4-3):

Fabianski

Sagna - Squillaci - Koscielny - Clichy

Wilshere - Song - Van Persie

Arshavin - Chamakh - Nasri

Molar fyrir leikinn:

• United hefur unnið níu af síðustu tíu leikjum við Arsenal í öllum keppnum, skorað 22 mörk og aðeins fengið fimm á sig

• Að minnsta kosti fimm leikmenn Arsenal hafa verið áminntir í síðustu þremur leikjum Arsenal á Old Trarfford.

• 10 af 11 mörkum Berbatov í deildinni hafa verið skoruð þegar Wayne Rooney er inná vellinum.

• Síðast þegar Arsenal tapaði deildarleik sem Howard Webb dæmdi var í apríl 2008 á Old Trafford.