Slúðrið á Englandi í dag

Breska blaðið Daily Express heldur því fram að Nicolas Anelka sé fyrsti valkostur Arsene Wenger hjá Arsenal til að fylla skarð Thierry Henry í sókninni. Stjórn Arsenal er ekki sögð hrifin af hugmynd knattspyrnustjórans, enda var brottför framherjans frá Arsenal nokkuð sóðaleg á sínum tíma.

Framherjinn Lomana LuaLua hjá Portsmouth er sagður eftirsóttur af Wigan og West Ham - The Sun/Daily Telegraph. Bolton er við það að landa Christian Wilhelmsson frá Nantes - The Sun. West Ham ætlar að bjóða 5 milljónir punda í varnarmanninn Nicky Shorey hjá Reading - Express.

Sven-Göran Eriksson ætlar að bjóða 10 milljónir í framherjann Newy Castillo frá Mexíkó sem spilar með Olympiacos í Grikklandi - The Times. Þá hefur félagið einnig gert fyrirspurn í framherjann efnilega Ciprian Marica frá Rúmeníu - Independent.

Everton mun ganga frá samningi við Suður-Afríkumanninn Steven Pienaar og Svisslendinginn Johann Vogel á næstu tveimur dögum - Daily Mirror. Mark Hughes, stjóri Blackburn, vill fá Bobby Zamora frá West Ham. Chelsea er tilbúið að greiða Tottenham 8 milljónir punda fyrir bakvörðinn Pascal Chimbonda - Times.

Jose Antonio Reyes óttast að yfirvofandi koma Arjen Robben til Real Madrid muni gera vonir sínar um samning við Real að engu - Express. Hull er að reyna að landa framherjanum Andy Cole - Daily Telegraph. Cardiff er að reyna að fá til sín framherjann Robbie Fowler sem er með lausa samninga - Daily Mail.

Jose Mourinho segir að Tottenham muni vinna sér sæti á meðal þeirra bestu á næsta tímabili og segir að nú séu fimm lið að berjast um enska meistaratitilinn - The Sun. Michael Owen gerir sig líklegan til að taka við fyrirliðabandinu hjá Newcastle í stað Scott Parker - Ýmsir. Framtið Dimitar Berbatov hjá Tottenham hangir á því hvort félaginu tekst að vinna sér sæti í Meistaradeildinni næsta vor - Daily Star.