Fjögurra ára snáði stunginn til bana

Fjögurra ára gamall drengur var stunginn til bana og fjórtán ára gömul stúlka slasaðist alvarlega í árás á heimili í Slaithwaite í Huddersfield í Bretlandi í dag. Lögreglumenn segjast hafa fengið tilkynningu um atvikið klukkan 13 að staðartíma. Drengurinn var fluttur á konunglega Sjúkrahúsið í Huddersfield þar sem hann lést skömmu seinna. Stúlkan var flutt á sama sjúkrahús með stungusár í brjósti og maga. Hún hlaut alvarleg meiðsl.

Breska blaðið Guardian hefur eftir lögreglunni að málið sé rannsakað sem morð og að tveir menn hafi verið handteknir. Lögreglumenn leituðu morðvopna á bar sem kallaður er Silent Woman, á útfararstofu skammt frá barnum og í heimahúsi. Sjónarvottur á barnum segir að annar mannanna hafi gengið inn, pantað sér bjór og sest niður hjá félaga sínum. Sjónarvotturinn segist hafa fengið sér sæti hjá þeim og þeir hafi viðurkennt verknaðinn í tilheyrn hans.