Frá Halo til trúlofunar - fimm ára fjarsamband á enda

Það var tilfinningarík stund þegar ungt par í Bandaríkjunum hittist í fyrsta sinn eftir fimm ára fjarsamband. Þau kynntust í gegnum veraldarvefinn en bæði spiluðu þau tölvuleikinn Halo af miklum móð á sínum tíma.

Blóðbað í grillveislu

Nágrannagrillveisla í austurhluta Toronto-borgar í Kanada breyttist í blóðbað eftir að nokkrir menn hófu skothríð í gærkvöldi. Tveir létust og yfir tuttugu eru særðir. Samkvæmt fréttum vestanhafs mætti hópur manna í veisluna, sem í voru yfir 200 manns, og þegar átök brutust út á milli þeirra og gestgjafanna, tóku þeir upp upp byssur og hófu á skjóta á nærstadda. Lögreglustjórinn í borginni segir að árásin sé sú alvarlegasta sem hafi átt sér stað í borginni í áratugi. Á meðal hinna særðu er eitt ungabarn en talið er að það nái sér á fullu.

Nálar í kalkúnasamlokum flugfélags

Bandaríska alríkislögreglan rannsakar nú hvers vegna nálar fundust kalkúnasamlokum um borð í flugvélum Delta Air Lines-flugfélagsins.

Fjölskylduharmleikur í Bretlandi: Myrti börnin sín og svipti sig lífi

Talið er að faðir þriggja barna hafi stungið þau til bana áður en hann svipti sig lífi skammt frá heimili þeirra í Gloucestershire í Bretlandi fyrir helgi.

Engin niðurstaða um Sýrland í öryggisráðinu

Engar niðurstöður urðu í viðræðum um málefni Sýrlands í öryggisráði Sameinuðu þjóðanna í gærkvöldi.

Margir valkostir Romneys

Spennan magnast stöðugt fyrir forsetakosningarnar í Bandaríkjunum þar sem repúblikaninn Mitt Romney freistar þess að velta demókratanum Barack Obama úr sessi. Eitt helsta umræðuefnið þessa dagana er val Romneys á varaforsetaefni, en þar eru margir kallaðir.

Tókst að bjarga 28 námumönnum úr brennandi gullnámu

Tekist hefur að bjarga 28 námumönnum úr gullnámu á Nýja Sjálandi en þeir urðu fastir í námunni eftir að eldur kom upp í henni í gærkvöldi.

Jon Lord hljómborðsleikari Deep Purple látinn

Jon Lord hljómborðsleikari Deep Purple er látinn 71 árs að aldri. Banamein hans var krabbamein.

Meðlimum danskra glæpagengja fækkar töluvert

Þeim sem tilheyra glæpagengjum á borð við Hells Angles og Bandidos í Danmörku hefur fækkað töluvert milli ára.

Margir valkostir Romneys

Spennan magnast stöðugt fyrir forsetakosningarnar í Bandaríkjunum þar sem repúblikaninn Mitt Romney freistar þess að velta demókratanum Barack Obama úr sessi. Eitt helsta umræðuefnið þessa dagana er val Romneys á varaforsetaefni, en þar eru margir kallaðir.

Dauðahafið er við dauðans dyr

Dauðahafið mun brátt bera nafn með rentu. Yfirborð hafsins lækkar um rúmlega metra á hverju ári. Höfuðástæðan er sögð vera að vatni úr ánni Jórdan hefur verið veitt annað, en áin er ein aðalaðrennslisæð hafsins.

Keppendur flykkjast til London

Keppendur, fjölmiðlafólk og áhorfendur flykkjast nú til London þar sem Ólympíuleikarnir verða settir eftir tíu daga.

Spá náum kynnum áður en öldin er úti

Euroscience umræðufundurinn var haldinn í Dublin um helgina. Helstu sérfræðingar Evrópu á sviði stjarneðlisfræði og stjarnlíffræði komu þar saman og ræddu um möguleg kynni mannkyns af geimverum.

Níræður maður kastaði sér út úr flugvél

Níræður maður fór í sitt fyrsta fallhlífarstökk í vikunni. Þessi eldhressi bandaríkjamaður lærði undirstöðuatriðin þegar hann var ungur maður en hann gegndi herþjónustu á árum seinni heimsstyrjaldarinnar.

Svona hljómar kjarnasprenging

Vafalaust hafa flestir séð gömul myndbönd af kjarnorkusprengingum, fæstir hafa hins vegar heyrt hvellinn sem þær framkalla. Bandarískur fræðimaður hefur nú birt myndband þar sem ótrúlegur eyðileggingarmáttur kjarnasprengjunnar er sýndur ásamt óhugnanlegum óm hennar.

Bjargaði ketti og uppskar aðdáun netverja

Lítil rússnesk stúlka hefur heillað netverja síðustu daga. Hugrekki stúlkunnar er óumdeilanlegt en myndband sem sýnir hana bjarga ketti frá hundi í árásarhug hefur vakið mikla athygli.

Mannætan í Miami þekkti fórnarlamb sitt

Talið er að maðurinn sem reyndi að rífa af andlit annars manns með tönnunum fyrir nokkrum vikum í Miami hafi þekkt fórnarlamb sitt nokkuð vel.

Endurheimti bíl sinn eftir 40 ár

Karlmaður sem varð fyrir því óláni að bíl hans var stolið árið 1970 endurheimti bílinn í dag. Maðurinn, sem heitir bob Russel, var nemandi við Temple háskóla í Fíladelfíu í Bandaríkjunum. Hann ók um á Austin-Healy 3000 Mk III sem hann hafði keypt af vini sínum á 3000 dali árið 1968.

Nauðganir vekja óhug í Svíþjóð

Sænskir fjölmiðlar hafa greint frá því að tilkynnt hefur verið um 21 nauðgun í landinu á síðustu þremur dögum. Þetta er óvenjumikill fjöldi nauðgana á svo stuttum tíma í Svíþjóð en nauðganir eru yfirleitt fleiri á sumrin en veturna í landinu.

Miklir bardagar í úthverfum Damaskus

Miklir bardagar geisuðu í í Damaskus höfuðborg Sýrlands í gærdag og langt fram á kvöld milli stjórnarhersins og uppreisnarmanna. Sennilega er um mestu bardagana að ræða síðan átökin hófust í landinu í mars í fyrra.

Condolezza Rice óvænt í sviðsljósinu í Bandaríkjunum

Condolezza Rice fyrrum utanríkisráðherra Bandaríkjanna hefur óvænt stolið hinu pólitíska sviðsljósi vestan hafs um helgina.

Frakklandsforseti skipar sambýliskonu sinni að þegja

Francois Hollande forseti Frakklands er búinn að fá nóg af umdeildum opinberum ummælum sambýliskonu sinnar, Valerie Trierweiler og hefur því skipað henni að halda kjafti í framtíðinni.

Rændu formanni Ólympíunefndar Líbíu

Vopnaðir menn klæddir eins og hermenn rændu Nabil Elalem formanni Ólympíunefndar Líbíú á götu úti í Trípolí í gærdag. Enginn veit hvar hann er niðurkominn í augnablikinu né hverjir rændu honum.

Yfirmanni hersins í Norður Kóreu vikið frá störfum

Æðsta yfirmanni hersins í Norður Kóreu, Ri Yong-ho hefur óvænt verið vikið frá störfum og jafnframt hefur honum verið vikið úr öllum opinberum stöðum sínum en hann var háttsettur í Verkamannaflokki landsins og varaformaður hinnar valdamiklu miðstjórnar hersins.

Þúsund mannlegir dómínókubbar setja heimsmet

Um eitt þúsund sjálfboðaliðar slógu nýtt heimsmet sem mannlegir dómínókubbar í borginni Sjanghæ í Kína í dag.

Öflugir skýstrókar í Póllandi

Að minnsta kosti einn lét lífið og tíu slösuðust þegar öflugir skýstrókar gengu yfir norðvesturhluta Póllands í gær. Yfir hundrað hús eyðilögðust.

Drengur skaut óvart föður sinn til bana

Þriggja ára drengur í Bandaríkjunum skaut föður sinn til bana eftir að hafa komist í byssu sem var á heimilinu.

Clinton hitti yfirmann herráðsins

Hillary Clinton, utanríkisráðherra Bandaríkjanna, hitti yfirmann herráðsins í Egyptalandi í dag og ræddi við hann um lýðræði.

Konur orðnar greindari en karlar

Konur ná núna hærri meðaleinkunn á greindarprófum en karlmenn í fyrsta sinn síðan greindarmælingar hófust.

Fjórar stórar borgir rýmdar

Á þriðja hundrað þúsund Japana flýja nú heimili sín vegna flóðahættu. Að minnsta kosti 20 manns hafa látið lífið í flóðum þar um helgina.

Vísa ásökunum um þungavopn á bug

Stjórnvöld í Sýrlandi vísa á bug fullyrðingum sendinefndar Sameinuðu þjóðanna um að stjórnarherinn hafi notað þungavopn þegar hann gerði innrás í bæinn Tremseh í Hama héraði á fimmtudag. Talið er að tvö hundruð almennir borgarar hafi látið lífið í árásinni. Sendinefnd Sameinuðu þjóðanna heimsótti þorpið í gær en fjölmargir þjóðarleiðtogar hafa fordæmt árásina.

Fyrsti skipsfarmurinn frá Bandaríkjunum til Kúbu

Fimmtíu ára viðskiptabanni Bandaríkjanna á Kúbu lauk á föstudaginn var þegar skipið Ana Cecilia sigldi til eyjarinnar með skipsfarm af hjálpargögnum. Frá þessu er sagt á Al Jazeera.

Öryggismál fyrir ólympíuleikana í ólestri

Landaverðir á Heathrow flugvelli í London hafa verið ásakaðir um að hleypa einstaklingum sem tengdir eru við hryðjuverkaógn inn í landið nú þegar styttist í Ólympíuleikana.

Obama skýtur enn að Romney

Barack Obama Bandaríkjaforseti hélt uppteknum hætti gærkvöldi þegar hann gagnrýndi störf Mitt Romney, forsetaframbjóðanda repúblikana, á kosningafundi í Virginíu-fylki. Obama, sem lét ekki úrhellisrigningu á sig fá og stóð gegnvotur í pontu, sagði að að fólk vildi ekki fá sérfræðing í útvistun starfa í Hvíta húsið, heldur einhvern sem gæti fjölgað störfum og fengið fyrirtækin til að auka starfsemi að nýju heima fyrir. Kosningabaráttan fyrir forsetakosningarnar í nóvember næstkomandi hefur harðnað mikið að undanförnu, sérstaklega í fylkjum eins og Virginíu þar sem mjótt er á munum. Obama hefur eytt nokkru púðri í að stilla Romney upp sem fram efnaðum bankamanni með forréttindabakgrunn sem sé úr tengslum við almenna kjósendur.

Um 5000 manns hrakist frá heimilum sínum

Tuttugu og tveir hafa farist og yfir 5000 manns hafa hrakist frá heimilum sínum í borginni Yame í suðvesturhluta Japan vegna úrhellisrigningar og flóða. Aurflóð og fallin tré hafa lokað flestum vegum á svæðinu, en þar hefur stanslaust ringt frá því á miðvikudag. Á myndum sem voru sýndar af svæðinu í morgun sjást hermenn færa fólki nauðsynjar á borð við mat, vatn og drykk í herþyrlur á svæði þar sem fólkið dvelur nú. Yfirvöld hafa sent þangað björgunarþyrlur til þess að flytja veikt folk og aldraða af svæðinu.

Stallone birti myndir á Facebook skömmu fyrir andlát sitt

Vangaveltur eru nú uppi um það hvort Sage Moonblood Stallone, sonur Sylvesters Stallone leikara, kunni að hafa legið látinn í íbúð sinni í marga daga áður en lík hans fannst. Líkið fannst á heimili hans í Hollywood í gær og er talið að hann hafi látist af ofneyslu lyfja. Samkvæmt frásögn slúðurfréttamiðilsins People hafnar lögmaður Sages og bernskuvinur, George Braunstein, því með öllu. Hann bendir á að myndir af Sage hafi verið birtar á Facebook einungis 17 klukkustundum áður en hann fannst látinn.

Bastilludagurinn í myndum

Þjóðhátíðardagur Frakka var haldinn hátíðlegur í dag. Hann nefnist í daglegu tali Bastilludagurinn en þá minnast Frakkar árásarinnar á bastilluna þann 14. júlí árið 1989. Sá atburður markaði upphaf Frönsku byltingarinnar.

Fornar beinagrindur í miðri Mexíkóborg

Fornleifafræðingar í Mexíkó hafa fundið fimmtán beinagrindur í grafreit sem talinn er vera frá tímum Asteka. Grafreiturinn fannst á byggingarsvæði í miðri Mexíkóborg.

Mótmælin harðna á Spáni

Spænska óeirðalögreglan beitti í nótt táragasi gegn mótmælendum sem hafa gengið um götur höfuðborgarinnar í landinu síðasta sólarhringinn og krafið þarlend stjórnvöld um að falla frá niðurskurðaráætlunum.

Hillary Clinton styður Mohammed Mursi

Hillary Clinton, utanríkisráðherra Bandaríkjanna, átti fund með nýkjörnum forseta Egyptalands, Mohammed Mursi, í dag. Eftir fundinn ítrekar hún að Bandaríkin styðji algera skiptingu yfir í lýðræði í landinu.

Starfsmenn Sameinuðu Þjóðanna á vettvang fjöldamorðanna

Starfsmenn Sameinuðu Þjóðanna eru komnir til þorpsins Tremseh í Sýrlandi þar sem fjöldamorð áttu sér stað á fimmtudaginn. Þeir eru þangað komnir til að taka út ástandið á svæðinu.

Ralph Lauren: Ólympíubúningurinn verður saumaður heima

Fatahönnuðurinn Ralph Lauren hefur lofað að bandarískir ólympíufarar verði í fötum sem saumuð eru í Bandaríkjunum á næsta ári eftir að kom á daginn að föt íþróttamannanna í ár eru í raun saumuð í Kína.

Stúlkan sem varð undir heyböggum er látin

Danska stúlkan sem slasaðist illa þegar stórir heybaggar, fjögur hundruð kíló að þyngd, hrundu yfir hana og systur hennar á bóndabæ á Jótlandi á fimmtudag er látin. Stúlkan, sem var sex ára, var stödd í hesthúsi ásamt systrum sínum tveim þegar slysið átti sér. Hinar stúlkurnar voru níu og þrettán ára en þær voru úrskurðaðar látnar skömmu eftir slysið.

Flóð valda spjöllum og manntjóni

Um fjögur hundruð þúsund íbúar á eyjunni Kyushu í Japan hafa þurft að yfirgefa hemili sín vegna mikilla flóða. Að minnsta kosti tuttugu hafa látið lífið og níu er saknað. Mikil úrkoma hefur verið á svæðinu síðustu daga og hafa aurskriður og flóð valdið miklum skemmdum á mannvirkjum.

Skotárás í Svíþjóð

Tveir menn særðust, þar af annar lífshættulega, í skotárás á skemmtistað í Malmö í Svíþjóð í nótt. Þetta kemur fram á vef sænska ríkissjónvarpsins. Mennirnir eru á þrítugs og fimmtugsaldri en lögreglan hefur tekið skýrslur af vitnum. Enginn hefur hins vegar verið handtekinn vegna málsins.