Drengur skaut óvart föður sinn til bana

Þriggja ára drengur í Bandaríkjunum skaut föður sinn til bana eftir að hafa komist í byssu sem var á heimilinu.

Það var á föstudagskvöldið sem að fjölskyldufaðirinn Michael A Bayless þrjátíu og þriggja ár gamall karlmaður sat og horfði á sjónvarpið með tveimur börnum sínum á heimili sínu í bænum Salem í Indíana-ríki. Þriðja barn hans, 3 ára drengur, hafði hins vegar lítinn áhuga á sjónvarpinu og vildi þess í stað leika sér. Drengum tókst að ná í skammbyssu föður síns sem var hlaðin. Þegar hann tók að handleika byssuna hljóp skot af. Það lenti í föður hans sem lést nær samstundis.

Lögreglan rannsakar málið en segir það fyrst og fremst sorlegt og greinilegt að mistök hafi verið gerð þegar hlaðin byssa var skilin eftir í færi við barnið.

Nágrannar og vinir fjölskyldunnar eru slegnir.

"Þetta var mikið áfall. Þetta er svo gott fólk. Þetta var bara góð fjölskylda," segir Bill Smith, nágranni.