Fleiri fréttir

Cameron vill aflétta þvingunum

David Cameron, forsætisráðherra Bretlands, vill að Evrópusambandið hætti efnahagslegum þvingunum á Búrma, einnig þekkt sem Mjanmar. Þetta sagði Cameron í gær, en hann er staddur í landinu.

Reyndur bavíani þekkir 300 orð

Bavíanar geta lært að þekkja orð með allt að fjórum stöfum frá fjögurra stafa stafarugli, þó þeir viti ekki hvað orðin þýða. Hæfileikaríkasti bavíaninn í nýrri rannsókn þekkir um 300 orð.

Vill að útlendingar verði merktir

Meirihluti þingflokks Sannra Finna á finnska þinginu vonast til þess að þingmaðurinn James Hirvisaari segi upp aðstoðarkonu sinni, Helenu Eronen, vegna fjandsamlegs bloggs hennar í garð útlendinga og minnihlutahópa.

Hrossakjöt í stað nautakjöts

Gestir á veitingastöðum og kaffihúsum í Södertälje í Svíþjóð fá ekki alltaf á diskinn þann rétt sem þeir pöntuðu af matseðlinum.

Vilja verða gamlir heima

Alls sóttu 613 innflytjendur í Danmörku um aðstoð við að komast aftur til föðurlands síns í fyrra. Árið 2010 var fjöldinn 370. Tveir þriðju hlutar þeirra sem snúa heim eru eldri borgarar, flestir frá Bosníu, Serbíu og Tyrklandi, að því er danskir fjölmiðlar greina frá.

Saka Apple um samkeppnisbrot

Bandarísk samkeppnisyfirvöld hafa höfðað mál á hendur tæknirisanum Apple fyrir meint samkeppnisbrot við verðlagningu á rafbókum í vefverslun fyrirtækisins.

Hringdi í lögregluna eftir að konan vildi meira kynlíf

Örvæntingafullur Þjóðverji þurfti að grípa til þess ráðs að hringja í lögregluna eftir að hafa farið heim með konu af bar kvöldið áður. Ástæðan var sú að konan vildi meira kynlíf þrátt fyrir að þau höfðu stundað kynlíf nokkrum sinnum yfir nóttina.

Vopnahléið í Sýrlandi heldur enn

Vopnahléið í Sýrlandi heldur enn, þrátt fyrir áframhaldandi átök stjórnarhermanna og andspyrnumanna. Að minnsta kosti fimm létust í dag þegar öryggissveitir skutu á hóp mótmælenda.

Stolið málverk metið á milljarða kom í leitirnar

Afar verðmætt málverk eftir franska málarann Cezanne fannst í Serbíu á dögunum. Málverkinu, sem heitir drengurinn í rauða vestinu, var stolið af safni í svissnesku borginni Zurich árið 2008. Verkið er metið á 109 milljónir dollara eða tæpa fjórtán milljarða íslenskra króna.

Norður-Kórea undirbýr kjarnorkusprengingu

Umdeilt eldflaugaskot Norður-Kóreumanna fór út um þúfur í nótt en nú berast fregnir af því að yfirvöld þar í landi hafi í hyggju að sprengja kjarnorkusprengju neðanjarðar í vor.

Vaktirnar auka líkur á offitu og sykursýki

Vaktavinna hefur umtalsverð áhrif á líkamann, og getur meðal annars aukið líkur á offitu og sykursýki, samkvæmt niðurstöðum rannsóknar sem birtar eru í bandarísku vísindariti.

Eldflaugaskotið klúðraðist

Yfirvöld í Norður Kóreu staðfesta að eldflaugaskot þeirra í gærkvöldi hafi farið út um þúfur. Miklar deilur hafa verið um eldflaugaskotið síðustu daga en flauginni var skotið á loft í gærkvöldi.

Mel Gibson aftur sakaður um gyðingahatur

Stórstjarnan Mel Gibson er kominn enn og aftur í vandræði og hefur hann enn á ný verið sakaður um gyðingahatur. Bandarískt kvikmyndatímarit hefur birt bréf sem handritshöfundurinn Joe Eztherhas sendi Gibson þar sem hann sakar hann um að hafa hætt við að framleiða mynd um hetjuna Judah Maccabee, vegna þess að hann hati gyðinga.

Cameron heimsækir Búrma

David Cameron forsætisráðherra Bretlands er nú í opinberri heimsókn í Búrma en þangað hefur breskur forsætisráðherra ekki komið í sextíu ár. Hann hitti forseta landsins í dag og að því loknu fundaði hann með baráttukonunni Aung San Suu Kyi í höfuðborginni Rangoon.

Réttað yfir hryðjuverkamönnum í Danmörku

Fjórir menn sem sakaðir eru um að leggja á ráðin um að ráðast á skrifstofur Jótlandspóstsins eru fyrir rétti í Danmörku í dag. Mennirnir sem allir voru búsettir í Svíþjóð vildu hefna fyrir birtingu blaðsins á 12 skopteikningum sem áttu að sýna spámanninn Múhameð árið 2005.

Enn barist í Sýrlandi

Átök brutust út í morgun á milli sýrlenskra stjórnarhermanna og uppreisnarmanna nálægt landamærum Tyrklands. Vopnahlé var lýst yfir í landinu í gær en margir efast um heilindi stjórnvalda og hersveitir þeirra hafa enn ekki hörfað frá mörgum borgum og bæjum.

Þörungar lykill að framtíðinni

Margar tegundir kóralrifja ættu að geta aðlagast hlýrri sjó og þar með þrifist áfram hvað sem gróðurhúsaáhrifum líður, samkvæmt niðurstöðum nýrrar rannsóknar.

Norður-Kórea skaut upp eldflaug fyrir stundu

Yfirvöld í Norður-Kóreu skutu í kvöld upp eldflaug, sem þeir segja að eigi að koma veður-gervihnetti á sporbaug um jörðu. Eldflauginni var skotið upp fyrir um klukkutíma síðan, að sögn yfirvalda í Suður-Kóreu.

Með sömu greindarvísitölu og Albert Einstein

Fjögurra ára gömul stúlka í Bretlandi hefur fengið inngöngu í Mensa en það er alþjóðlegur hópur fólks með háa greind. Stúlkan er með álíka háa greindarvísitölu og Albert Einstein og Stephen Hawking.

Opinber starfsmaður gerði ekkert í 14 ár

Fyrrverandi ríkisstarfsmaður í Þýskalandi opinberaði í vikunni að hann hafi ekki gert nokkurn skapaðan hlut á 14 ára tímabili sem hann starfaði hjá hinu opinbera.

J.K. Rowling kynnir nýja skáldsögu

Breski rithöfundurinn J.K. Rowling, sem gerði garðinn frægan með Harry Potter bókaröðinni, hefur lokið við nýjustu skáldsögu sína. Hún ber heitið "The Casual Vacancy" og fer í almenna sölu 27. september næstkomandi.

Mannréttindi brotin í Malí

Navi Pillay, mannréttindafulltrúi Sameinuðu Þjóðanna, sagði í dag að mannréttindabrot hafi verið framin í Malí.

Brothætt ástand í Sýrlandi

Vopnahléið sem Kofi Annan, erindreki Sameinuðu Þjóðanna og Arabandalagsins, lagði til í Sýrlandi hófst í nótt.

Adele er ríkasti ungi tónlistarmaður Bretlands

Söngspíran Adele sem slegið hefur rækilega í gegn síðustu misserin hefur uppskorið samkvæmt því en hún er talin ríkasti tónlistarmaður Breta af yngri kynslóðinni, eða undir þrítugu, samkvæmt lista yfir ríkustu Bretana sem Sunday Times birtir árlega.

Ekkert bendir til bilunar þegar Hercules vélin fórst

Ekkert bendir til þess að um bilun hafi verið að ræða í norsku Hercules herflutningavélinni sem fórst þann fimmtánda mars síðastliðinn með þeim afleiðingum að fimm norskir hermenn létu lífið.

Kim Jong-un fær æ fleiri titla

Hinn ungi leiðtogi Norður Kóreu, Kim Jong-un hefur fengið nokkrar nýjar fjaðrir í hatt sinn. Hann hefur verið útnefndur formaður miðstjórnar hersins og stjórnarmaður í framkvæmdastjórn Kommúnistaflokksins.

Zimmerman ákærður fyrir morð

George Zimmerman, sem skaut ungan dreng til bana í Flórída á dögunum hefur gefið sig fram. Zimmerman tók þátt í nágrannavörslu í hverfi sínu og þann 26 febrúar skaut hann unglingspiltinn Traycon Martin til bana.

Níu bjargað úr námu

Níu mönnum var bjargað úr námu í Perú í gær, eftir að hafa verið fastir þar í tæpa viku. Mennirnir eru sagðir við góða heilsu. Einn þeirra átti erfitt með gang og var með súrefnisgrímu þegar hann kom upp úr námunni.

Ekki meirihluti fyrir kannabisræktuninni

Ekki var nægur stuðningur við áform bæjarstjórnar í spænskum smábæ fyrir því að hefja stórfellda ræktun á kannabisi í íbúakosningum. Um 56 prósent studdu ræktunina, en 75 prósent hefðu þurft að vera henni samþykk til að hún yrði að veruleika, samkvæmt frétt BBC.

Vopnahlé hafið í Sýrlandi

Vopnahlé sem Kofi Annan erindreki Sameinuðu þjóðanna og Arababandalagsins lagði til í Sýrlandi er hafið en vesturveldin efast enn um heilindi stjórnvalda í landinu og óttast það það muni halda í stuttan tíma. Al Assad forseti heitir því að standa við vopnahléð en segir stjórnvöld hafa rétt til þess að bregðast við árásum. Það sama segir stærrsta andspyrnuhreyfingin og því ljóst að ástandið er afar eldfimt.

Heimildarmynd rannsakar lækningarmátt tónlistar

Sem ungur maður hafði Henry gamli dálæti á tónlist. Dóttir hans segir að hann hafi oft á tíðum dansað um göturnar líkt og Gene Kelly í "Singing in the Rain.“ En árin liðu og eftir að hafa verið í tíu ár á hjúkrunarheimili hefur þunglyndi heltekið hann.

Charles Manson neitað um reynslulausn á ný

Bandaríska fjöldamorðingjanum Charles Manson var neitað um reynslulausn í dag af dómstólum í Kaliforníu. Þetta er í tólfta sinn sem Manson fer fram á að verða sleppt úr haldi.

Ákvörðun um Manson tekin í dag

Sérstök nefnd sem metur hvort raðmorðinginn Charles Manson mun verða látinn laus úr fangelsi mun úrskurða um málið í dag, að því er bandaríska blaðið Los Angelses Times greinir frá í dag. Ólíklegt þykir að Manson muni sjálfur koma fyrir nefndina þegar hún kynnir ákvörðun sína. Þetta er í tólfta sinn sem lögfræðingar Mansons krefjast reynslulausnar fyrir hann en hann var fundinn sekur um að skipuleggja morð á sjö manns árið 1969.

Í 11 ára fangelsi fyrir að kveikja í húsgagnaverslun

Gordon Thompson var í dag dæmdur í ellefu og hálfs árs fangelsi fyrir að kveikja í Reeves húsgagnaversluninni í Croydon í Lundúnaróeirðunum í fyrra. Thompson, sem er 34 ára gamall, var fundinn sekur um að hafa stefnt lífi fólks í hættu. Samkvæmt frásögn Sky fréttastöðinni reyndi hann að kveikja í Iceland og House of Fraser áður en hann beindi athygli sinni að House of Reeves. Verslunin var stofnuð árið 1867 og hafði verið í rekstur sömu fjölskyldu frá kynslóð til kynslóðar.

Flóðbylgjuviðvörunum aflétt

Flóðbylgjuviðvörunum hefur nú verið aflétt á Indlandshafi en um tíma leit út fyrir að flóðbylgjur gætu skollið á Indónesíu og fleiri löndum sem liggja að hafinu. Í morgun reið risaskjálfti sem mældist 8,7 stig yfir undan ströndum Aceh héraðs og skömmu síðar fylgdi annar litlu minni, eða 8,2 stig í kjölfarið.

Sjá næstu 50 fréttir

Mest lesið