Hetjudáð lögregluþjóns vekur athygli

Hugrakkur lögreglumaður í Hanoi í Víetnam hékk utan á framrúðu hópferðabíls eftir að ökumaðurinn reyndi að flýja af vettvangi.

Maðurinn hélt í rúðurþurrkurnar á meðan bílstjórinn ók á rúmlega 50 kílómetra hraða um götur Hanoi.

Lögreglumaðurinn greip til þessa örþrifaráðs eftir að bílstjórinn neitaði að framvísa skilríkjum.

Undarlega náðist atvikið á myndband og birtist það á vefsíðunni YouTube fyrr í dag.

Lögreglumaðurinn reynir að ná fótfestu á meðan rútan æðir framhjá nærliggjandi bílum. Samkvæmt AP fréttastofunni öskrar lögregluþjónninn: „Hringið á lögregluna!"

Bílstjórinn, Phung Hong Phuong, stöðvaði rútuna að lokum. Hann var handtekinn og er sakaður um að hafa ráðist á lögreglumanninn. Hann á því þriggja ára fangelsisdóm fyrir höfði sér.

Hægt er að sjá myndbandið hér fyrir ofan.