Norðmenn senda herþotur gegn rússum

Tvær norskar herþotur voru sendar á loft í morgun til að mæta tveimur rússneskum sprengjuvélum sem flugu meðfram strönd Noregs. Rússnesku vélarnar voru af gerðinni Tu-160. Þá rauf rússnesk herflugvél lofthelgi Finnlands í morgun.

Hvað varð um Madeleine McCann?

Líklega hefur ekki verið fjallað jafn mikið um lítið barn í heimspressunni og bresku telpuna Madeleine McCann.

Meintur árásarmaður handtekinn

Lögreglan í Frankfurt í Þýskalandi hefur handtekið 22 ára gamlan mann fyrir fólskulega árás á rabbía þar í borg. Maðurinn stakk rabbíann með hníf áður en hann hljóp í burtu. Verknaðurinn vakti mikinn óhug í Þýskalandi og umræðu um gyðingahatur þar í landi.

Vilja ekki fleiri erlenda verkamenn

Hugmynd framkvæmdarstjórnar Evrópusambandsins um að aðildarlönd opni landamæri sín fyrir erlendu vinnuafli hafa fallið í grýttan jarðveg í Þýskalandi. Haft er eftir Michael Glos, efnhagsráðherra Þýskalands, á vefútgáfu þýska blaðsins Der Spiegel í dag að Þjóðverjar vilji ekki taka við fleiri erlendum verkamönnum í bili.

Líkur á vopnahléi í Darfur

Forseti Súdans, Omar Hassan al-Bashir sagði á blaðamannafundi í Róm í morgun að súdönsk stjórnvöld hefðu fyrir sitt leyti fallist á vopnahlé í Darfur héraði.

Bhutto hyggst snúa aftur til Pakistans

Fyrrverandi forsætisráðhera Pakistans, Benazir Bhutto, ætlar að snúa aftur til heimalandsins eftir margra ára útlegð. Bhutto hefur átt í viðræðum við forseta landsins, Pervez Musharaf, um að taka á ný við forsætisráðherraembættinu, en þær viðræður fóru út um þúfur.

Enn einn skjálftinn í Indónesíu

Indónesísk yfirvöld hafa gefið út flóðbylguviðvörun á eyjunni Súmötru eftir að enn einn jarðskjálftinn reið yfir í nótt. Stærsti skjálftinn kom á miðvikudag en síðan þá hafa stórir eftirskálftar mælst.

Bush tilkynnir um fækkun í herliði

George Bush Bandaríkjaforseti sagði í ávarpi til þjóðar sinnar í gærkvöldi að hluti bandarískra hermanna í Írak verði kallaðir heim. Í ræðu sinni sagði Bush að 5700 hermenn yrðu kallaðir heim fyrir jól og að þúsundir myndu fylgja í kjölfarið fram á mitt næsta sumar.

Misþyrmdu tvítugri stúlku

Sex menn í Logan sýslu í Bandaríkjunum eru grunaðir um að hafa misþyrmt 20 ára gamalli svartri stúlku frá Charleston hrottalega. Henni var haldið nauðugri í hjólhýsi í Logan sýslu í fjölda daga og misþyrmt þar. Samkvæmt ákærum var hún misnotuð kynferðislega, neydd til að borða dýraskít, stunginn í lærið, heitu vatni hellt yfir hana, hún neydd til að drekka salernisvatn og hún lamin.

Einmana með ónýtt ónæmiskerfi

Einmana fólk er líklegra til að veikjast og deyja ungt. Vísindamenn telja sig nú vita af hverju - ónæmiskerfi þeirra er í rúst. Vísindamenn könnuðu DNA fólk sem var félagslega einangrað og komust að því að erfðaefni sem tengdist ónæmiskerfi þeirra var afbrigðilegt.

Lögregla skaut tvo bankaræningja til bana

Lögregla í Hampshire skaut tvo menn til bana þegar þeir gerðu tilraun til vopnaðs ráns í banka í morgun. Lögregla beið mannanna þegar þeir komu út úr HSBC bankanum og skaut þá. Annar mannanna lést á staðnum, en hinn var fluttur á sjúkrahús þar sem hann lést skömmu síðar. Vopn sem talin eru tilheyra ræningjunum fundust á vettvangi.

Bush hyggst draga 5700 hermenn heim frá Írak

George Bush Bandaríkjaforseti hyggst fara að ráðum Petreaus hershöfðingja og draga heim 5700 hermenn fyrir árslok. Í sjónvarpsræðu sem Bush flytur í kvöld mun hann einnig tilkynna um að hann muni fækka hersveitum úr tuttugu í fímmtán. Þetta hefur Reuters fréttastofan eftir háttsettum embættismönnum í Bandaríkjunum.

Tíu láta lífið í skjálftum

Snarpur eftirskjálfti olli manntjóni og eyðileggingu á eyjunni Súmötru í Indónesíu í morgun. Að minnsta kosti tíu manns létu lífið og fleiri en fimmtíu slösuðust í skjálftunum, þeim sem varð í gær og mældist 8,4 stig og eftirskjálftanum í morgun sem mældist 7,8 stig.

Ísland í tísku hjá breskum háskólanemum

Á þriðja tug manna skrá sig í íslenskunám við háskólann í Leeds í Bretlandi á hverju ári. Yfirmenn háskólans telja að þeim muni fjölga í ár af því að Ísland sé komið í tísku.

Sökktu norskum hvalbáti til að fagna hvalveiðistoppi á Íslandi

Samtök hvalveiðiandstæðinga í Bandaríkjunum segjast hafa sökkt hvalbáti í Norður-Noregi í fagnaðarskyni yfir ákvörðun Íslands að hætta hvalveiðum.

Tíu prósent ungra í Danmörku smituð af klamidíu

Tíu prósent ungra Dana eru með klamidíu, og fjörtíu prósent þeirra nota ekki smokka, að sögn heilbrigðisyfirvalda í Danmörku. Þau hafa nú hafið herferð til að draga úr útbreiðslu kynsjúkdóma, en fleiri en 50 þúsund smitast af kynsjúkdómum á ári hverju í Danmörku.

15 látnir eftir sjálfsvígsárás í Pakistan

Að minnsta kosti fimmtán pakistanskir hermenn létust og 11 særðust þegar þegar öflug sprengja sprakk í byggingu hersins í bæ í nágrenni höfuðborgarinnar Islamabad. Sjálfsvígsárásarmaður gekk inn í mötuneyti hersins þar sem fjöldi hermanna snæddi kvöldmat og sprengdi sig þar í loft upp.

Ný fljóðbylgjuviðvörun í Indónesíu

Veðurstofa Indónesíu tilkynnti gaf fyrir stundu út nýja flóðbylgjuviðvörum í kjölfar þess að enn einn öflugur jarðskjálftinn reið yfir eyjuna Súmötru. Stofnunin sagði að skjálftinn hafi orðið á aðeins tíu kílómetra dýpi og verið 6,8 á Richter skala. Fjöldi eftirskjálfta hefur orðið í Indónesíu eftir að gríðaröflugur skjálfti, 8.4 á Richter reið yfir í gær. Tíu létust og fjöldi særðist í skjálftanum, sem fannst í fjórum löndum.

Sökktu hvalveiðibát til að halda upp á að Íslendingar hafi hætt veiðum

,,Að kvöldi 30. ágúst ákváðum við að halda upp á það að íslendingar hafi hætt hvalveiðum í atvinnuskyni með því að fjarlægja stóran hluti kælirörs í vélarrúmi norska hvalveiðibátsins Willassen Senior" Þetta sögðu samtök sem kalla sig Agenda 21 á heimasíðu tímaritsins ,,Bite Back" í fyrradag.

Þáttastjóri gladdist yfir árásinni á Bandaríkin

Þáttastjórnandi við danska ríkissjónvarpið hefur valdið nokkru uppnámi með því að viðurkenna að hann hefði glaðst yfir hryðjuverkaárásinni á Bandaríkin. Ganrýnendur ríkissjónvarpsins segja að þetta sé enn eitt dæmið um að þar ráði rauði liturinn ríkjum. Fleiri starfsmenn sjónvarpsins þykja hafa sýnt sinn rétta lit á undanförnum mánuðum.

Augun lesa til skiptis

Vísindamenn hafa svipt hulunni af ráðgátunni um hvernig augu lesa setningu. Áður héldu rannsakendur að bæði augun einbeittu sér að sama bókstaf orðs í einu, en breskir vísindamenn hafa komist að raun um að svo sé alls ekki alltaf.

Pastalaus dagur á Ítalíu

Það verður ekkert pasta á borðum Ítala í kvöld fari þeir eftir tilmælum neytendasamtaka í landinu. Samtökin biðja þjóðina að kaupa ekkert pasta í sólarhring til að mótmæla því sem þau kalla óútskýranlegar verðhækkanir á vörum úr hveiti. Mótmælendur söfnuðust í dag saman fyrir utan ítalska þingið og kröfust þess að stjórnvöld hjálpi til að leysa vandann. Þá funduðu bænda- og neytendasamtök með yfirvöldum, sem þau vilja að rannsaki pastaiðnaðinn.

Vlad er slyngur

Fréttaskýrendur segja að Vladimir Putin forseti Rússlands hafi sýnt mikil klókindi með því að skipa hinn óþekkta Viktor Subkov í embætti forsætisráðherra og opna honum þarmeð leið að forsetaembættinu þegar síðara kjörtímabil Putins rennur út á næsta ári. Rússneskir forsetar mega ekki sitja nema tvö kjörtímabil né bjóða sig fram eftir sjötugt. Zubkov verður orðinn sjötugur árið 2012 þegar aftur verður kosið til forseta. Það verður þá opin leið fyrir Putin að bjóða sig fram aftur.

Bretar verða að lappa upp á gömul kjarnorkuver

Forstjóri bresku Orkustofnunarinnar segir að Bretar verði að halda gömlum kjarnorkuverum sínum gangandi eins lengi og hægt er. Ellegar verði orkuskortur í landinu eftir fimm til sjö ár. Stofnunin er nú að athuga möguleika á að halda tveimur gömlum orkuverum gangandi en ætlunin var að loka þeim árið 2011.

Kommúnisti verður borgarstjóri í bæ í Suður-Noregi

Þrátt fyrir mikla hægrisveiflu í norsku sveitastjórnarkosningunum á mánudaginn hafa íbúar í einu þorpi í Suður-Noregi kosið sér kommúnista sem borgarstjóra.

Villepin mætir fyrir rétt í París

Dominique de Villepin fyrrum forsætisráðherra Frakklands mætti fyrir rétt í París í dag til að svara spurningum um svokallað Clearstream hneyksli. illepin er grunaður um að hafa reynt að koma höggi á Nicolas Sarkozy núverandi forseta Frakklands, þegar þeir tveir voru keppinautar um forsetaembættið.

Abe fluttur á sjúkrahús á barmi taugaáfalls

Shinzo Abe forsætisráðherra Japans var færður á sjúkrahús í morgun, sólarhring eftir að hann tilkynnti um afsögn sína. Innlögn forsætisráðherra Japans á sjúkrahús gefur vísbendingu um hvílíkur þrýstingur er búinn að vera á manninn undanfarið.

Níu dóu í skjálftum í Indónesíu

Harður eftirskjálfti olli mikilli skelfingu í suðaustur-Asíu í dag. Önnur viðvörun um hugsanlega flóðbylgju var gefin út og íbúar nálægt skjálftasvæðinu flúðu í ofboði upp í land. Að minnsta kosti níu manns létu lífið og 49 slösuðust í skjálftunum, þeim sem varð í gær og mældist 8,4 stig og eftirskjálftanum í morgun sem mældist 7,8 stig.

Norski herinn í sparnaðaraðgerðum

Norski herinn hefur tilkynnt um að hyggist ekki taka þátt í tveimur heræfingum sem NATO ríki taka þátt í á næstunni vegna sparnaðaraðgerða. Tilkynningin hefur vakið nokkuð umtal í Noregi en ráðstefna á vegum NATO verður haldin í höfuðborginni Osló í næstu viku.

Leit gerð á heimili McCann hjónanna

Portúgalskur dómari sem fer með mál Madeleine McCann hefur farið þess á leit við bresk lögregluyfirvöld að þau fari á heimili foreldra hennar í Leicestershire til þess að leita að sönnunargögnum í málinu. Fréttastofa Sky greinir frá því að líklegast fari leitin fram í dag.

Neyðarástand í Paragvæ

Stjórnvöld í Paragvæ lýstu í gærkvöldi yfir neyðarástandi í landinu eftir mikla elda sem geysað hafa undanfarið. Yfir hundrað þúsund hektarar skóglendis og beitilands hafa orðiið eldinum að bráð.

Olían lækkar lítillega eftir metverð

Olíuverð á heimsmörkuðum hefur lækkað nokkuð í morgun eftir að verð á olíu fór í áttatíu dollara á tunnu í fyrsta skipti í sögunni í gær. Verðið lækkaði þó ekki mikið og fylgjast menn grannt með hitabeltisstominum Humberto sem er að myndast í Mexíkóflóa.

Putin skipar nýjan forsætisráðherra

Vladimir Putin, forseti Rússlands, hefur samþykkt afsökn Mikhail Fradkov forsætisráðherra landsins og skipað Viktor Zubkov í hans stað. Zubkov er tiltölulega óþekktur en hann starfaði sem forstjóri fjármálaeftirlitsins í Rússlandi. Fréttavefur Breska ríkisútvarpsins segir að breytingarnar á ríkisstjórninni sé gerð til að hrista upp fyrir komandi þing- og forsetakosningar.

Lítt þekktur embættismaður útnefndur forsætisráðherra

Vladimír Pútín, Rússlandsforseti, hefur útnefnt Viktor Zubkov, lítt þekktan embættismann, sem næsta forsætisráðherra Rússlands. Talið er að Pútín ætli Zubkov að taka við af sér eftir hálft á þegar forsetakosningar verða haldnar. Pútín má þá ekki bjóða sig fram aftur.

Byrjað að farga nautgripum

Gin- og klaufaveiki hefur greinst á nautgripabúi á Englandi - nærri þeim stað þar sem veikin greindist í síðasta mánuði. Varnarsvæði hefur verið afmarkað í kringum býlið og förgun nautgripa hafin.

Óttast að fleiri hafi týnt lífi

Minnst 7 týndu lífi og 100 slösuðust þegar 2 öflugir jarðskjálftar skóku indónesísku eyjuna Súmötru með skömmu millibli í dag. Flóðbylgjuviðvörun var þegar gefin út af ótta við miklar hamfarir.

Stúlkan segir að fullorðinn maður hafi ráðist á sig

Stúlkan sem fannst liggjandi í blóði sínu í Hellerup í úthverfi Kaupmannahafnar í gær sagði við lækna sem meðhöndla hana að fullorðinn maður hafi ráðist á sig. Höfuðkúpa stúlkunnar var brotin á þremur stöðum, en árásarmaðurinn virðist ekki hafa gert tilraun til að misnota hana kynferðislega.

Sjö látnir eftir skjálftann í Indónesíu

Minnst sjö eru látnir og hundrað særðir eftir að tveir öflugir jarðskjálftar skóku indónesísku eyna Súmötru með skömmu millibili fyrr í dag. Sá fyrri var upp á 8,2 á Richter en í kjölfarið kom skjálfti upp á 6,1. Fyrri kjálftans varð vart í að minnsta kosti fjórum löndum, og háhýsi sveifluðust til í allt að tvö þúsund kílómetra fjarlægð frá upptökum hans.

Þrír handteknir vegna hryðjuverkahótana

Austurrísk lögregla hefur handtekið þrjá í tengslum við hótanir gegn landinu sem birtust í myndbandsbrotum á vefsíðum íslamskra öfgamanna. Ríkissjónvarið ORF sagði að mennirnir tengdust hryðjuverkahópi sem hefði tengsl við Al-Kaída. Í myndböndunum eru Þýskaland og Austurríki hvött til að draga herlið sín heim frá Afganistan og Írak - að öðrum kosti muni hryðjuverkamenn ráðast á löndin

Telja sannanir að finna í dagbók Kate McCann

Portúgölsk lögregla vill nú fá aðgang að dagbók Kate McCann, móður Madeleine litlu sem saknað hefur verið frá því í byrjun maí. Breska blaðið Evening Standard segir lögregluna halda að bókin geti varpað ljósi á hvað það var sem raunverulega gerðist kvöldið örlagaríka, þegar stúlkan hvarf frá hótelherbergi fjölskyldunnar í Portúgal.

Þúsund starfsmenn í verkfalli

Allt að þúsund starfsmenn Danska ríkisútvarpsins, DR, leggja í dag niður vinnu til að mótmæla uppsögnum hjá fyrirtækinu, að sögn Jótlandspóstsins. Fréttastofa stöðvarinnar reið á vaðið um ellefuleitið í morgun þegar starfsmenn hennar gengu út - sumir hverjir í beinni útsendingu. Alls hefur 141 starfsmanni verið sagt upp hjá DR undanfarnar vikur. Starfsmennirnir komu saman á Íslandsbryggju eftir að þeir gengu út, en þeir munu funda í fyrramálið til að ákveða framhald aðgerðanna.

Rússar sprengja ,,Föður allra sprengna"

Rússneski flugherinn hefur í tilraunaskyni sprengt gríðarstóra loft-eldsneytissprengju sem þeir segja sem þeir segja mun öflugri en MOAB, bandarísk sprengja sömu gerðar, sem nefnd hefur verið ,,Móðir allra sprengna". Yfirmenn rússneska hersins segja að sprengjan, sem þeir kalla ,,Föður allra sprengna", sé sambærileg að styrk við kjarnorkusprengju.

SAS tapar allt að 150 milljónum á dag vegna Dash-vandræða

Norræna flugfélagið SAS tapar á bilinu 100-150 milljónum á dag vegna þeirrar ákvörðunar forsvarsmanna félagsins að setja allar Dash 8 vélarí flugbann eftir ítrekaðar bilanir í lendingarbúnaði.

Foreldrar Madeleine vilja láta rannasaka bílaleigubílinn sjálf

Foreldrar Madeleine McCann íhuga nú að láta gera sjálfstæða rannsókn á bílaleigubílnum sem þau leigðu í Portúgal. Bresk lögregla fann lífsýni úr stúlkunni í bílnum, en foreldrarnir tóku hann á leigu um þremur vikum eftir að Madeleine litla hvarf frá hótelíbúð þeirra í Portúgal.

Flóðbylgjuviðvarandir vegna jarðskjálfta í Indónesíu

Yfirvöld í Indlandi og Malasíu hafa gefið út flóðbylgjuviðvaranir í kjölfar þess að tveir öflugir jarðskjálftar skóku indónesísku eyna Súmötru með skömmu millibili fyrr í dag. Skjálftarnir voru um átta á Richter kvarða, og sá fyrri fannst allt til Singapore og Tælands. Fjöldi bygginga í Padang á vesturströnd eyjunnar hrundi til grunna í kjölfar skjálftanna.