Ökufanti sleppt úr varðhaldi

Ekki verður krafist áframhaldandi gæsluvarðhalds yfir ökumanninum sem gekk berserksgang þar síðasta sunnudagskvöld. Hann kemur til með að losna úr varðhaldi klukkan 16:00.

Mannréttindadómstóll Evrópu vísar tölvupóstmáli frá

„Það er búið að hafna því," segir Hróbjartur Jónatansson, lögmaður Jónínu Benediktsdóttur, en Mannréttindadómstóll Evrópu er búinn að hafna því að taka tölvupóstmálið svokallaða til efnislegrar meðferðar.

Við viljum svör: Opinn borgarafundur um Icesave í Iðnó

Steingrímur J. Sigfússon, fjármálaráðherra og aðstoðarmaður hans, Indriði Þorláksson, taka þátt í pallborðsumræðum á opnum borgarafundi um Icesave skuldbindingarnar sem haldinn verður í Iðnó klukkan átta í kvöld. Vonast er til að Gylfi Magnússon, viðskiptaráðherra, sjái sér fært að mæta.

Ágæt síldveiði hjá skipum HB Granda

Ágæt síldveiði var hjá skipum HB Granda um helgina. Ingunn AK og Lundey NS voru þá saman að veiðum með eitt troll um 80 sjómílur ASA af Hornafirði. Faxi RE kom á miðin í gærkvöldi og tók þá við keflinu af Ingunni sem í framhaldinu tók eitt hol einskipa líkt og í byrjun veiðiferðarinnar.

Keyrði dópaður en sleppur við blóðsýnareikning

Maður á þrítugsaldri var dæmdur til þess að greiða hálfa milljón í sekt fyrir að aka undir áhrifum fíkniefna og ofsaaksturs. Að auki var hann með ólöglegan hníf undir höndum og gerðist þar með brotlegur við vopnalög.

Með amfetamín í klefa 43

Rúmlega tvítugur fangi á Litla Hrauni, Davíð Þór Gunnarsson, var dæmdur til þess að greiða 70 þúsund krónur í sekt fyrir að hafa haft rúm 2 grömm af amfetamíni í fórum sínum. Efnin fundust við leit í klefa hans sem er númer 43.

12,5 milljónum úthlutað úr Tónlistarsjóði

Menntamálaráðherra hefur að tillögu tónlistarráðs úthlutað styrkjum úr Tónlistarsjóði fyrir seinni helming þessa árs. Tónlistarsjóði bárust að þessu sinni 101 umsókn frá 93 aðilum. Heildarfjárhæð umsókna nam 76.994.903 kr. Veittir voru styrkir til 68 verkefna að heildarupphæð 12.550.000, að því er kemur fram í tilkynningu.

Sprengisandur að opnast

Sprengissandsleið um Bárðardal opnast síðdegis á morgun eða á miðvikudagmorgun. Veghefill frá Vegagerðinni á Húsavík lagði af stað upp á Sprengisand í morgun í þeim tilgangi að lagfæra veginn og ryðja burt síðustu hindrunum.

Tímabundinn forstjóri Útlendingastofnunar settur

Ragna Árnadóttir dóms- og kirkjumálaráðherra hefur sett Rósu Dögg Flosadóttur lögfræðing í embætti forstjóra Útlendingastofnunar tímabundið í sex mánuði, frá og með 1. júlí til 31. desember 2009. Embættið var laust til setningar vegna framlengds leyfis skipaðs forstjóra til næstu áramóta, að því er kemur fram í tilkynningu.

Hópslagsmál á Flúðum

Lögreglan á Selfossi var kölluð út aðfaranótt sunnudags vegna hópslagsmála á Flúðum. Einn maður nefbrotnaði í átökunum og var hann fluttur á slysadeild Landspítalans þar sem gert var að sárum hans.

UJ fordæma ofbeldi í Íran

Ungir jafnaðarmenn, ungliðahreyfing Samfylkingarinnar, hefur sent frá sér ályktun þar sem hún fordæmir grimmd íranskra stjórnvalda í garð almennings í landinu. Hún skorar jafnframt á íslensk stjórnvöld að þrýsta á að ofríkinu linni og lýðræðislegum vilja kjósenda í Íran verði framfylgt, svo aðrar þjóðir fái búið við sömu mannréttindi og við búum við hér á landi.

Ríkisstjórnin vísar Icesave til Alþingis

Ríkisstjórnin samþykkti á aukafundi í morgun að vísa frumvarpi um ríkisábyrgðir vegna Icesave skuldbindinga til meðferðar Alþingis. Gert er ráð fyrir því að frumvarpinu verði dreift í dag og að þingið hafi málið svo til meðferðar næstu daga eða jafnvel vikur. Frumvarpið sjálft mun vera einfalt í sniðum, um það bil tvær blaðsíður, en því fylgja gögn sem eru sögð varpa frekara ljósi á málið.

Vistheimilanefnd skilar næstu skýrslu í september

Vistheimilanefnd sem kannar starfsemi vist- og meðferðarheimila fyrir börn hyggst skila áfangaskýrslu í september en nefndin hefur þegar rætt við á annað hundrað manns vegna rannsóknarinnar.

Óvæntur gestur í Sjóræningjahúsinu

Starfsfólk Sjóræningjahússins í Patreksfirði fékk óvæntan gest í byrjun mánaðarins þegar trjábukkur kom út úr við sem verið var að nota í leiksvið. Að því er kemur fram á vef Bæjarins besta kom viðurinn í bæinn sem pakkning utan um efni sem nota átti í höfn bæjarins, en sendingin er talin hafa komið frá Rússlandi eða Þýskalandi.

Vefur um vistvæn innkaup opnaður

Vefurinn Vinn.is hefur nú verið opnaður, en hann er hluti af verkefninu Vistvæn innkaup. Að verkefninu standa umhverfisráðuneytið, Ríkiskaup, Reykjavíkurborg og Hafnarfjarðarbær.

Bandormurinn samþykktur

Frumvarp ríkisstjórnarinnar um ráðstafanir í ríkisfjármálum, eða bandormurinn eins og það er jafnan kallað, var rétt í þessu samþykkt með breytingum frá meirihluta efnahags- og skattanefndar. 31 þingmaður greiddi frumvarpinu atkvæði sitt, en sextán greiddu atkvæði gegn því.

Fékk glas í andlitið fyrir utan grænmetisstað

Tvítugur maður hefur verið ákærður fyrir að brjóta glas á andliti annars manns með þeim afleiðingum að hann hlaut rúmlega sex sentímetra langan skurð á andliti.

Norrænir félags- og heilbrigðisráðherrar funda

Norrænir félags- og heilbrigðisráðherrar funda í Reykjavík í dag og ræða áhrif efnahagssamdráttar á velferðarmálin, félags- og heilbrigðismál. Auk þess ræða þeir samstarf Norðurlandanna í baráttunni gegn afleiðingum inflúensu og framtíðarskipulag norrænna stofnana á sviði velferðarmála.

Indriði H: Iceslave.is segir lítið um málið í heild sinni

„Þessi tala sem þarna birtist segir afskaplega lítið um málið í heild sinni," segir Indriði H. Þorláksson, einn samningamanna Íslands í Icesave málinu, um Iceslave-skuldaklukkuna svokölluðu.

Lífeyrissjóðir vilja fjármagna framkvæmdir

Lífeyrissjóðirnir eru reiðubúnir til þess að setja 90 til 100 milljarða króna til þess að fjármagna opinberar framkvæmdir næstu fjögur árin. Þetta hefur Morgunblaðið eftir Arnari Sigurmundssyni, formanni Landssamtaka lífeyrissjóðanna.

Norrænir dómsmálaráðherrar funda

Barnaklám, norrænt lögreglusamstarf og skipulögð glæpastarfsemi á Norðurlöndum verður meðal efnis á dagskrá fundar norrænu dómsmálaráðherranna þegar þeir funda hér á Íslandi í dag, mánudag.

Bíll brann við Grjótháls

Bifreið brann til kaldra kola á Grjóthálsi um klukkan hálfeitt í nótt. Annar bíll sem stóð við hlið hins skemmdist einnig töluvert í eldinum.

AGS-yfirlýsingu breytt vegna Icesave

Nokkrum dögum áður en skrifað var undir samning um lán Alþjóðagjaldeyrissjóðsins til Íslands var gerð breyting á viljayfirlýsingu íslenskra stjórnvalda til sjóðsins og sérstaklega hnykkt á því að Íslendingar hétu að standa við allar skuldbindingar sínar á grundvelli innistæðutryggingasjóðsins.

Eiga 113 sumarhúsalóðir og 107 íbúðir

Nýji Kaupþing og Íslandsbanki eiga samanlagt 107 húseignir. Ekki fengust upplýsingar um eignir Landsbankans. Meðal annarra eigna bankanna eru 70 bifreiðar, 3 hesthús og 3 íbúðahúsalóðir.

Stórhættulegt svæði

„Þetta er ekki þannig svæði að mönnum ætti að detta í hug að fara um það á snjósleða. Það er stórhættulegt. Drengurinn fer niður í hallann, þar sem allt er krosssprungið yfir sumar­tímann. En þetta skrifast bara á ókunnugleika,“ segir Snorri H. Jóhannesson í Björgunarsveitinni Ok í Borgarnesi. Hann var einn af tugum björgunarsveitarmanna sem kallaðir voru út á Geitlandsjökul, vestasta hluta Langjökuls, á laugardag. Þar hafði fimmtán ára drengur fallið um fimmtán metra ofan í jökulsprungu. Hann lenti á syllu niðri í sprungunni og náði að halda sér á henni í um tvær klukkustundir, eða þangað til björgunarsveitarmenn hífðu hann upp.

Veita sálrænan áfallastuðning

Lögreglan á höfuðborgarsvæðinu og Rauði kross Íslands hafa gert með sér samkomulag um að veita sálrænan stuðning fólki sem komið hefur að vettvangi alvarlegra atburða þar sem kallað er eftir aðstoð lögreglunnar.

Framlög til háskóla hærri 2010 en 2008

Framlög til háskóla hafa meira en þrefaldast á síðustu níu árum. Árið 2000 námu framlög ríkisins til allra skólanna 4,3 milljörðum króna. Á fjárlögum 2009 nemur sú upphæð 14,5 milljörðum. Framlög til skólanna á næsta ári verða hins vegar skert um 8,5 prósent á næsta ári.

Einn deyr á viku að meðaltali

„Við teljum mikinn ávinning af skimun fyrir ristilkrabbameini,“ segir Skúli Skúlason sem stýrt hefur undirbúningsvinnu fyrir stofnun félags fólks með ristilkrabbamein. Skúli segir þetta mikilvægt verkefni enda deyi vikulega einn Íslendingur af völdum ristilkrabbameins. Sjúkdómurinn er önnur algengasta dánarorsök af völdum krabbameina á Íslandi. Alls dóu 271 á árunum 2002 til 2006, 122 konur og 149 karlar.

Írsk setter-tík valin sú besta

Cararua Alana, tæplega fimm ára gömul írsk setter-tík, var valin besti hundur sumarsýningar Hundaræktar­félags Íslands í gær. „Í ár vorum við með fimm erlenda dómara og þeim bar saman um að hún væri verðug þessa titils. Ég er auðvitað voðalega stolt af henni,“ segir Jóna Viðarsdóttir, eigandi tíkar­innar og jafnframt for­maður HRFÍ.

Bið eftir ættleiðingu lengist

Biðtími eftir ættleiðingum frá erlendum ríkjum er nú þrjú til fjögur ár. Fyrir nokkrum árum var biðtíminn mun styttri, eða um eitt til tvö ár. Þetta kemur fram í meistararitgerð í lögfræði frá Háskólanum í Reykjavík eftir Ólöfu Marínu Úlfarsdóttur.

Enn gustar um bæjarstjórn Kópavogs

Bæjarfulltrúar Framsóknar og Samfylkingar sem sátu í stjórn Lífeyrissjóðs starfsmanna Kópavogs standa enn við sínar fullyrðingar um að þeir hafi verið blekktir. Gögn sem sýna fram á hið gagnstæða hafa komið fram. Oddviti Vinstri grænna í bænum segir að þeir verði alvarlega að íhuga stöðu sína sem bæjarfulltrúar.

Bílvelta skammt frá Gljúfrasteini - karlmaður fluttur á slysadeild

Umferðaróhapp varð á Þingvallavegi á Mosfellsheiði skammt frá Gljúfrasteini þegar fólksbifreið valt á sjöunda tímanum í kvöld. Ökumaður, sem var einn á ferð, kastaðist út úr bifreiðinni og var fluttur töluvert slasaður á slysadeild Landspítlans í Fossvogi.

Nytjamarkaðir spretta upp

Nytjamarkaðir spretta nú upp eins og gorkúlur í kreppunni. Handboltastjarnan Geir Sveinsson er í þann mund að setja einn slíkan á fót í 1000 fermetra húsnæði og hvetur fólk til að koma bæði notuðum og nýjum svokölluðum "2007 vörum" í verð.

Báturinn enn innsiglaður við höfnina

Sjómanni, sem veiddi kvótalaus og án leyfis fyrir ári síðan, hefur enn ekki verið birt ákæra. Bátur hans liggur innsiglaður við höfnina.

Svefn og þreyta kosta mörg mannslíf

25 banaslys í umferðinni á árunum 1998 til 2008 má rekja til þreytu og að ökumenn hafi sofnað undir stýri. Banaslys af völdum svefns eða þreytu er fjórða algengasta orsök banaslysa. Hinar ástæðurnar eru of hraður akstur, að bílbelti séu ekki notuð og ölvunarakstur.

Óli Örn kominn í leitirnar

Karlmaður á þrítugsaldri, Óli Örn Jónsson, sem lögreglan á höfuðborgarsvæðinu lýsti eftir í morgun, er kominn í leitirnar. Björgunarsveitir voru kallaðar út vegna málsins og tóku þátt í leitinni.

Gríðarlega þung umferð til Reykjavíkur

Umferð til Reykjavíkur er gríðarlega þung og gengur afar hægt. Lögreglan á Selfossi segir að á milli Hveragerðis og Selfoss sé bíll við bíl og umferðin þokist áfram á rúmlega 40 kílómetrahraða. Þrátt fyrir það hafi umferðin gengið stóráfallalaus fyrir sig.

Borgarafundur um Icesave

Annað kvöld fer fram opinn borgarafundur í Iðnó undir yfirskriftinni: Icesave - Getum við borgað? Frummælendur verða Helgi Áss Grétarsson lögfræðingur, Einar Már Guðmundsson rithöfundur og Steingrímur J. Sigfússon fjármálaráðherra.

Ríkisstjórnin gerði mistök varðandi Icesave

Árni Páll Árnason, félagsmálaráðherra, segir ríkisstjórnina hafa staðið illa að kynningu Icesavesamkomulagsins og gert ákveðin mistök með því að ætla að ná samkomulaginu í gegn án þess að leggja það fram á Alþingi. Fyrir það verði stjórnin að bæta. Árni Páll var gestur Sigurjóns Egilssonar í þættinum Sprengisandi í morgun þar sem þjóðmálin voru til umræðu og þetta kom fram.

Árleg hundasýning haldin í reiðhöll Fáks

Um helgina tóku rúmlega 650 hundar af 82 hundakynjum í hundasýningu Hundaræktarfélags Íslands í reiðhöll Fáks í Víðidal. Sýningar félagsins hafa stækkað ár frá ári og er sú staðreynd talinn endurspegla mikinn áhuga Íslendinga á hundum og hreinræktun þeirra.

Gagnrýnir skort á upplýsingum eftir harkalega lendingu

Farþegi sem kom til landsins með flugvél Iceland Express í gærkvöldi gagnrýnir flugfélagið harðlega fyrir skort á upplýsingum eftir að vélin var stöðvuð harkalega við lendingu. Framkvæmdastjóri Iceland Express segir að flugmaður vélarinnar hafi beðið um forgang eftir að viðvörunarlaus kviknaði vegna bilunnar sem hafi ekki verið alvarleg.

Vill að Flosi og Ómar íhugi að víkja sem bæjarfulltrúar

Bæjarfulltrúi Vinstri grænna í Kópavogi telur eðlilegt að bæjarfulltrúarnir Flosi Eiríksson og Ómar Stefánsson íhugi stöðu sína sem bæjarfulltrúar í ljósi fréttar Morgunblaðsins í gær þess efnis að þeir hafi sem stjórnarmenn í Lífeyrissjóði starfsmanna Kópavogsbæjar vitað að ekki væru allar upplýsingar gefnar til Fjármálaeftirlitsins.

Ungmennin á batavegi

Ungmennin fimm sem slösuðust í bílslysi í Fagradal í Fjarðabyggð í gær eru öll á batavegi. Þrjár stúlkur voru í bílnum og tveir karlmenn. Stúlkurnar voru fluttar á sjúkrahúsið á Akureyri og verða væntanlega útskrifaðar í dag.

Engin gögn styðja fullyrðingar ráðamanna

Engin gögn styðja þær fullyrðingar ráðamanna að Íslendingar séu tilneyddir til að fallast á Icesave samkomulagið. Þetta segir Ólafur Elíasson, hjá Indefence hópnum. Hann gagnrýnir stjórnvöld fyrir að verja ekki þjóðina gagnvart yfirgangi Breta og Hollendinga.

Lögregla lýsir eftir Óla Erni

Lögreglan á höfuðborgarsvæðinu lýsir eftir Óla Erni Jónssyni fæddum árið 1981. Ekkert hefur spurst til hans frá því klukkan eitt í nótt. Björgunarsveitir hafa verið kallaður út til leitar.