Stjórnin undrast harkalegar aðgerðir FME og fjármálaeftirlitsins

Stjórn Lífeyrissjóðs starfsmanna Kópavogsbæjar lýsir furðu sinni á hörðum aðgerðum Fjármálaeftirlitsins og fjármálaráðuneytisins, sem skipað hafa umsjónarmann með sjóðnum, þrátt fyrir að stjórn hans og framkvæmdastjóri hafi ítrekað og að eigin frumkvæði upplýst fulltrúa Fjármálaeftirlitsins um fjárfestingar hans.

Steingrímur mælti fyrir frumvarpi um niðurskurð

Steingrímur J. Sigfússon, fjármálaráðherra, mælti á Alþingi í dag fyrir frumvarpi um ráðstafanir í ríkisfjármálum. Í frumvarpinu er leitað leiða til þess að bæta stöðu ríkissjóðs eftir bankahrunið með ýmsum aðgerðum og sagði ráðherrann að minnka eigi bilið á milli tekna og útgjalda. Steingrímur sagði að í frumvarpinu væri mennta- og félagsmálum hlíft eftir megni.

Niðurrifsmaður á Álftanesi hafði milljónir af fimm manna fjölskyldu

„Hann er ekki hetja í mínum augum,“ segir Barbara Ósk Guðbjartsdóttir. Hún og maður hennar Viðar Guðmundsson segja farir sínar ekki sléttar af viðskiptum sínum við Björn Braga Mikkaelsson sem þann 17. júní reif niður einbýlishús á Álftanesi. Húsið hafði hann misst í hendur Frjálsa Fjárfestingabankans. Þau Viðar og Barbara greiddu Birni tæpar tíu milljónir króna fyrir finnskt einingahús sem þau fengu aldrei í hendurnar.

Samkomulagið um Icesave átti að opinbera fyrr

Björgvin G. Sigurðsson, þingflokksformaður Samfylkingarinnar, segir að heppilegra væri ef að gögn um Icesave samkomulagið hefðu komið fram fyrr. Pétur Blöndal, þingþingmaður Sjálfstæðisflokksins, gagnrýnir harðlega vinnubrögð þingflokka stjórnarflokkanna í málinu.

Stjórn lífeyrissjóðs Kópavogs grunuð um lögbrot

Stjórn Lífeyrissjóðs starfsmanna Kópavogsbæjar er grunuð um lögbrot og hefur stjórninni verið skipaður umsjónaraðili. Þetta kemur fram í tilkynningu frá fjármálaráðuneytinu.

Línuraketta skall á húsi í Sandgerði

Íbúum við Vallargötu í Sandgerði brá í brún í gærkvöldi þegar hár dynkur rauf næturkyrrðina. Íbúarnir grennsluðust fyrir um málið úti í garði og þar kom í ljós eins konar raketta sem lína var áföst við.

Brotist inn í Höfðahverfi

Eitt innbrot var framið á höfuðborgarsvæðinu í nótt þegar brotist var inn í fyrirtæki í Höfðahverfi. Þjófarnir höfðu meðal annars á brott með sér flatskjá. Þá var gerð tilraun til innbrots í fyrirtæki í Hafnarfirði en ekki er talið að neinu hafi verið stolið þar.

Fyrstu langreyðarnar veiddar í gær

Hvalur 9 veiddi síðdegis í gær tvær fyrstu langreyðarnar sem veiða á í ár og var komið með dýrin að landi í nótt í Hvalfirði þar sem þau voru skorin að því er Skessuhorn greinir frá.

Niðurskurðarhnífurinn hátt á loft

Frumvarp til laga um ráðstafanir í ríkisfjámálum var lagt fram á Alþingi í gærkvöldi. Í frumvarpinu er leitað leiða til þess að bæta stöðu ríkissjóðs eftir bankahrunið og með ýmsum aðgerðum er stefnt að því að ríkið fái 13 milljarða króna í auknar tekjur á þessu ári.

Öllum verður tryggð skólavist

„Allir sem eru undir átján ára aldri eiga rétt á skólavist og þeim mun verða tryggð slík vist. Það verður bara að gera það,“ segir Sigurbjörg Jóhannesdóttir, sérfræðingur í menntamálaráðuneytinu, sem þessa dagana fer yfir umsóknir í framhaldsskóla landsins. Samtals bárust 4.437 umsóknir frá nemendum úr 10. bekk, sem eru um 96 prósent þeirra sem luku grunnskólanámi í ár.

Býr hjá vinum eftir að hafa rifið húsið

„Ég er ekki að hvetja fólk til þess að gera þetta en ég sé alls ekki eftir þessu,“ segir Björn Mikkaelsson. Á þjóð­hátíðardaginn reif hann húsið sem hann bjó í á Álftanesi en hann hefði þurft að afsala sér því í hendur sýslumanns í dag.

Lækka á fjárlagahallann um 86 milljarða á tveimur árum

Skera á ríkisútgjöld niður og afla nýrra tekna til að ná hallanum á ríkissjóði niður um samtals 86 milljarða króna á árunum 2009 og 2010.

Harðar deilur um Icesave-samninginn

Skrifi Alþingi undir Icesave-samninginn verða það afdrifaríkustu mistök í sögu þjóðarinnar. Þetta fullyrða fulltrúar Indefence-hópsins svokallaða, og vísa í þrjú lögfræðiálit sér til stuðnings, sem þeir segjast hafa látið vinna fyrir sig. Sérfræðingur um milliríkjasamninga segir hins vegar ekkert í samningnum koma á óvart.

Segir Evu umdeilda en óháða

„Eva Joly hefur orð á sér fyrir að vera afar sjálfstæð og slíku fylgir jafnan það gjald að vera umdeildur í leiðinni,“ segir Mads Andenæs, prófessor við lagadeild Háskólans í Ósló. Hann segir að oft hafi staðið styr um störf hennar í Noregi, þar sem hún hafi viðhaft harðar kröfur.

Kærunefnd stöðvar Vodafone-samning

„Það er ánægjulegt að kærunefndin skuli hafa stöðvað þetta ferli því það var klúður í uppsiglingu," segir Sævar Freyr Þráinsson, forstjóri Símans, um þá ákvörðun kærunefndar útboðsmála að stöðva gerð samninga við Vodafone um símaþjónustu fyrir Landspítalann.

Sakaður um að svíkja út háar fjárhæðir

Tæplega þrítugur karlmaður hefur verið ákærður fyrir stórfellt og ítrekað skjalafals, svo og þjófnaði og fíkniefnabrot.

Þökur aftur á Ráðhústorgið

Bæjarráð Akureyrar hefur tekið vel í erindi Sigurðar Guðmundssonar verslunarmanns og annars áhugafólks um eflingu miðbæjarins á Akureyri um að Ráðhústorgið verði lagt með túnþökum í sumar.

Munum fyrir milljónir stolið

Miklum verðmætum var stolið úr vörubifreið Línuborunar ehf., þar sem hún var á vinnusvæði við Nesjavallaveg ofan við Nesjavallavirkjun fyrir nokkrum dögum.

Eitraður kræklingur í Eyjafirði

Lömunareitrið PSP hefur greinst í kræklingi úr Eyjafirði, að því er fram kemur á heimasíðu Matvælastofnunar. Stofnunin varar sterklega við neyslu og tínslu á kræklingi og öðrum skelfiski úr Eyjafirði. Í sýnum sem nýlega voru tekin til þörungaeitursgreiningar reyndist magn PSP vera rétt undir viðmiðunarmörkum en magn Alexandrium-þörunga sem valda eitrun yfir hættumörkum.

InDefence: Indriði fer með rangt mál

InDefence hópurinn, sem talsvert hefur látið að sér kveða síðan Icesave samningaviðræðurnar komust í hámæli, segir Indriða H. Þorláksson hafa farið með rangt mál í viðtali í Kastljósinu fyrr í kvöld.

Stærsta kúlulán Íslandssögunnar

„Fjármálaráðherra tekur stærsta kúlulán Íslandssögunnar og hann mun uppskera eins og bankarnir,” sagði Sigmundur Davíð Gunnlaugsson, formaður Framsóknarflokksins, við utandagskrárumræður um Icesave samninginn nú undir kvöld. Sigmundur var málshefjandi í umræðunum og gagnrýndi ríkisstjórnina harðlega fyrir framgang hennar í málinu.

Mælti fyrir frumvarpi um launabreytingar

Steingrímur J. Sigfússon fjármálaráðherra mælti fyrir frumvarpi um kjararáð á Alþingi nú undir kvöld. Samkvæmt frumvarpinu skal kjararáð gæta þess að föst laun ríkisstarfsmanna fyrir dagvinnu, annarra en forseta Íslands, verði ekki hærri en föst laun forsætisráðherra.

Ísbirni stolið af hrekkjalómi

„Ég er með tvo ísbirni þarna fyrir utan og nú er annað kvikindið horfið,“ segir Sigurður Guðmundsson, verslunarmaður á Akureyri. Sigurður vann sér það til frægðar í síðasta mánuði að narra bæði Morgunblaðið og lögregluna með ísbjarnagabbi. Sigurður varð fyrir því óláni í dag að samskonar ísbjarnarlíki og Sigurður notaði við gabbið var stolið fyrir utan verslun hans The Viking á Laugarvegi 1 í Reykjavík.

Landsvirkjun lögð að veði með Icesave

Allar eigur íslenska ríkisins eru lagðar að veði með Icesavesamkomulaginu, þar á meðal Landsvirkjun. Þetta er mat Eiríks Svavarssonar, lögmanns, sem hefur síðustu daga legið yfir samningnum sem gerður var við Hollendinga. Eiríkur Svavarssonar er í InDefence hópnum og hefur víðtæka reynslu af alþjóðasamningum. Hann segir sextándu grein laganna kveða á um þetta.

Ómerktur lögreglubíll myndaði tugi hraðabrota

Ómerktur lögreglubíll útbúinn hraðamyndavél fylgdist með aksturslagi ökumanna á höfuðborgarsvæðinu síðastliðinn föstudag og þriðjudag að því er fram kemur á vef lögreglunnar.

Hús rísi úr brunarústum næsta sumar

Stórvirkar vinnuvélar hamast nú á brunalóðinni við Austurstræti og Lækjargötu svo undir tekur í miðborg Reykjavíkur þar sem menn vonast til að hús verði farin að rísa - Kvosinni til prýði - næsta sumar, þremur árum eftir að þessi fornfrægu hús brunnu nánast til kaldra kola.

Á yfir höfði sér allt að sex ára fangelsi

Maðurinn sem eyðilagði íbúðarhús á Álftanesi í gær á yfir höfði sér allt að sex ára fangelsi. Frjálsi fjárfestingarbankinn sem nú á húsið ætlar að kæra hann.

Bankaráðsseta rektors hefur ekkert með HR að gera

Jóhann Hlíðar Harðarson, upplýsingafulltrúi Háskólans í Reykjavík, segir setu Svöfu Grönfeldt í bankaráði Landsbankans ekki hafa neitt með HR að gera, enda hafi HR ekki átt neina fjármuni í Landsbankanum. Þetta áréttar Jóhann vegna greinarinnar Fjórar bækur um hrun eftir Þorvald Gylfason, sem birtist í Fréttablaðinu í morgun.

Sara Dögg komin í leitirnar

Sara Dögg Helenardóttir, sextán ára stúlka sem bæði lögreglan og móðir stúlkunnar lýstu eftir fyrr í dag, er nú komin í leitirnar samkvæmt upplýsingum frá lögreglunni. Stúlkunnar hafði verið saknað í fimm daga, eða síðan á laugardag.

Reyndi að nauðga vinkonu dóttur sinnar

Hæstiréttur staðfesti í dag dóm héraðsdóms Reykjaness yfir karlmanni sem dæmdur var í fimmtán mánaða fangelsi fyrir tilraun til nauðgunar. Maðurinn var sakfelldur fyrir að hafa reynt að hafa samræði eða önnur kynferðismök við 16 ára stúlku sem var gestkomandi á heimili hans í apríl á síðasta ári.

Icesavesamningur birtur: Hollendingar hafa ellefu gjaldfellingarákvæði

Hollendingar hafa ellefu ákvæði í Icesavesamningnum við Ísland sem gerir þeim kleift að gjaldfella rúmlega 200 milljarða króna lán ef eitthvert þeirra er brotið. Fréttastofa hefur samninginn undir höndum og birtist hann hér fyrir neðan.

Býður upp á hátíðarmatseðil Jóhönnu og Steingríms

„Þetta er það sem að maður hefur um að velja þegar við erum búin að borga Icesave,“ segir kvikmyndagerðamaðurinn Magnús Magnússon sem ákvað að bjóða upp á hátíðarmatseðil fyrir utan Alþingishúsið í dag. Matseðillinn bar yfirskriftina: „Hátíðarmatseðill í boði Jóhönnu og Steingríms“.

Icesave samningurinn birtur á Vísi innan skamms

Fréttastofa hefur undir höndum samkomulag íslenskra og hollenskra stjórnvalda um Icesave reikninganna frá 5. júní. Samningurinn verður birtur hér á Vísi innan skamms.

Raddir fólksins farnar af stað - boða til mótmælafundar á Austuvelli

Raddir fólksins boða til mótmælafundar á Austurvelli á laugardaginn kemur klukkan 15. Eftir bankahrunið stóðu samtökin fyrir fjölmörgum mótmælafundum.

Afburðanemendur við Háskóla Íslands hljóta styrki

Þann 16 júní voru veittir ellefu styrkir til afburðanemenda sem hefja nám í Háskóla Íslands næsta haust. Um er að ræða styrki til nemenda sem náð hafa framúrskarandi árangri á stúdentsprófi og innritast í Háskóla Íslands.

Svandís með stóra kúlu: Þarf að fá mér hjálm

„Ég er bara með stóra kúlu á höfðinu," segir Svandís Svavarsdóttir umhverfisráðherra en hún varð fyrir því óláni í morgun að detta af hjólinu sínu þar sem hún var á leið í Umhverfisráðuneytið. Svandís var flutt með sjúkrabíl á Landspítalann til aðhlynningar. Hún reyndist ekki hafa fengið heilahristing.

Lögreglan lýsir eftir Söru Dögg Helenardóttur

Lögreglan á höfuðborgarsvæðinu lýsir eftir Söru Dögg Helenardóttur, 16 ára, sem er ljóshærð með sítt hár, um 152 cm. á hæð. Þegar hún fór að heiman var hún klædd í ljósbláar íþróttabuxur, hvíta skó og hvíta peysu. Ekki vitað hvernig hún er klædd núna.

Átak í atvinnumálum hefur skilað yfir 2200 störfum

Iðnaðarráðuneytið hefur lokið fyrstu samantekt á árangri sérstaks átaks ríkisstjórnarinnar í atvinnumálum sem miðað að því að draga úr atvinnuleysi með sköpun allt að 6000 ársverka á næstu misserum. Þótt ekki séu komnar tæmandi upplýsingar um alla þætti aðgerðanna er niðurstaðan samt sem áður sú að nú þegar má rekja um 2200 til 2500 störf til átaksins, að fram kemur í tilkynningu.

Húsinu á Álftanesi mokað í burtu - myndband

Grafa mætti í gær út á Álftaness til að moka í burtu rústum húss sem fyrrum eigandi þess gjöreyðilagði í gærdag. Maðurinn hafði nýverið misst húsið í hendur Frjálsa Fjárfestingabankans. Einnig gróf maðurinn bíl sem stóð á lóðinni ofan í holu og mokaði yfir hann.

Höskuldur gagnrýndi fundarstjórn Ástu Ragnheiðar

Enn á ný var tekist á um fundarstjórn Ástu Ragnheiðar Jóhannesdóttur, forseta Alþingis, á þingfundi í dag þegar Höskuldur Þórhallsson, þingmaður Framsóknarflokksins, gagnrýndi Ástu. Hann sagði hana hafa truflað Birgittu Jónsdóttur, þingmanns Borgarahreyfingarinnar, þegar hún beindi fyrirspurn sinni til forsætisráðherra.

Þurfti að fórna golfhring fyrir umræður um Icesave

Golfurum brá brún þegar þeir bókuðu sér rástíma í Grafarholti í dag. Þar gaf að líta nafn Sigmundar Ernis Rúnarssonar, þingmanns Samfylkingarinnar, sem átti skráðan rástíma klukkan 13:50 í dag en umræða um Icesave hefst klukkan þrjú.

Jóhanna: Ekki hætta á þjóðargjaldþroti

Jóhanna Sigurðardóttir, forsætisráðherra, segir engar líkur vera á þjóðargjaldþroti með Icesave-samningunum. Hún sagði mjög sérkennilegt að halda öðru fram. Verið sé að hræða þjóðina. Þetta kom fram í máli Jóhönnu á Alþingi við fyrirspurn Péturs Blöndal, þingmanns Sjálfstæðisflokksins.

Bjarni: Þjóðin mun ekki eiga síðasta orðið um ESB

Bjarni Benediktsson, formaður Sjálfstæðisflokksins, segir ljóst að þjóðin muni ekki fá að eiga síðasta orðið um aðildarviðræður við Evrópusambandið. Þetta kom fram í máli formannsins í umræðum á Alþingi í dag. Þar beindi hann fyrirspurn sinni til Jóhönnu Sigurðardóttur, forsætisráðherra, en hann vildi vita hvaða þýðingu möguleg aðildarumsókn hafi í ljósi þess að lagt verði fram á næstu dögum frumvarp um ráðgefandi þjóðaratkvæðagreiðslur. Bjarni spurði auk þess hvort kæmi til álita að fram fari tvöföld þjóðaratkvæðagreiðsla.

Ráðherra datt af reiðhjóli - flutt á spítala

Svandís Svavarsdóttir umhverfisráðherra féll af reiðhjóli sínu fyrir framan umhverfisráðuneytið um klukkan hálfeitt í dag. Í umhverfisráðuneytinu fengust þær upplýsingar að Svandís hafi ekki misst meðvitund en engu að síður hafi verið talið öruggast að kalla á sjúkrabíl og flytja hana á slysadeild til nánari skoðunar. Svandís var í Alþingishúsinu í morgun og þaðan var hún að koma þegar óhappið varð.

Óljóst hvort að Icesave verði rætt á þingi

Icesave samningarnir verða kynntir fyrir alþingismönnum í dag og í kjölfarið verða þeir gerðir almenningi opinberir. Samningsaðilum hefur verið greint frá þessari ákvörðun íslenskra stjórnvalda.