Jóhanna bað Breiðavíkurdrengi afsökunar

Jóhanna Sigurðardóttir, forsætisráðherra, bað Breiðavíkurdrengi og aðra sem sætt hafa illri meðferð á heimilum ríkisins, afsökunar, fyrir hönd ríkisins, á Alþingi nú fyrir stundu. Helgi Hjörvar, þingmaður Samfylkingar, spurði hana hvort þetta stæði til af hálfu ríkisins, og sagði Jóhanna sjálfsagt að verða við því. Þó væri ekki sjálfgefið að þeir sem bjuggu við vondar aðstæður á þessum meðferðarheimilum veittu fyrirgefninguna.

Olíufélögin lækkuðu öll verð á eldsneyti í morgun

Olíufélögin hafa lækkað verð á bensíni í dag. Bensínorkan lækkaði verð á bensíni um tvær krónur og dísel um 2,6 krónur. Almennt verð á bensíni hjá Orkunni verður þá 139,70 og almennt verð á díeselolíu 149,90.

Rýmingu aflétt í Bolungarvík

Þeir Bolvíkingar sem þurftu að yfirgefa heimili sín í gær vegna snjóflóðahættu geta nú snúið heim á ný. Samkvæmt upplýsingum frá Veðurstofunni verður ástandið kannað í dag og metið í framhaldinu þar sem veðurspáin fyrir helgina er nokkuð óviss.

Tilkynnir mögulega um þingrof

Forsætisráðherra tilkynnir mögulega um þingrof í dag eða á morgun. Ríkisstjórnin kom saman til aukafundar í stjórnarráðinu klukkan átta í morgun, til að afgreiða frá sér síðustu málin sem hún ætlar að leggja fyrir Alþingi.

Fíkniefnaaðgerð í Skipasundi í gærkvöld

Tvennt var handtekið í fíkniefnaaðgerð lögreglunnar í Skipasundi í gærkvöld. Samkvæmt heimildum fréttastofu var gífurlegt magn af kannabisplöntum í rætkun þar. Fólkið sem var handtekið er enn í haldi lögreglunnar. Sjónvarvottur sem fréttastofa talaði við sagðist hafa séð lögreglumenn fylla sendiferðabíl af plöntum í gær.

Rösklega helmingur vill Jóhönnu

Rúm 55 prósent þeirra, sem spurðir voru í skoðanakönnun Fréttablaðsins, Stöðvar 2 og Vísis segjast vilja að Jóhanna Sigurðardóttir verði næsti formaður Samfylkingarinnar.

Iðnaðarráðherra mælti fyrir frumvarpi um Helguvík

Össur Skarphéðinsson iðnaðarráðherra mælti í gærkvöldi fyrir frumvarpi um samning um álver í Helguvík. Ungliðar í Vinstri grænum, samstarfsflokki Samfylkingarinnar í ríkisstjórn, skora hins vegar á þingmenn sína að greiða atkvæði gegn samningnum.

Þyrlan sótti mann um borð í Árna Friðriksson

Maður veiktist um borð í hafrannsóknarskipinu Árna Friðrikssyni, þegar það var statt norðaustur af Langanesi í gær. Óskað var eftir þyrlu Landhelgisgæslunnar til að sækja hann og kom hún að skipinu eftir millilendingu á Egilsstöðum, þar sem tekið var eldsneyti.

Fíkniefnalögregla á ferð í Sundahverfi

Fíkniefnalögreglan var með aðgerðir í húsi í Sundahverfi í Reykjavík í gærkvöldi, en ekki liggur fyrir í hverju þær fólust eða hver árangurinn varð. Hins vegar liggur fyrir að hún handtók karlmann um þrítugt í Garðabæ í fyrradag. Í bíl hans fundust tugir gramma af hassi og marijuana. Efnin voru ætluð til sölu, en maðurinn hefur áður verið uppvís að slíku.

Tók óvart krók til Keflavíkur

„Kassarnir með blöðunum fundust svo eftir allt saman í einhverju skúmaskoti hjá póstinum í Reykjavík," segir alþingismaðurinn Árni Johnsen sem varð fyrir því að 1.700 eintök af prófkjörsblaði hans virtust hafa gufað upp í meðförum Íslandspósts. Umrædd sending var ætluð til Vestmannaeyja.

Sagan endurtekur sig frá því síðast

Nýir formenn munu leiða Framsóknarflokkinn, Samfylkinguna og Sjálfstæðisflokkinn í kosningunum í apríl. Sama var upp á teningnum í kosningunum vorið 2007.

Glötuðu sjúkraskrám heilsugæslu á Dalvík

Allar sjúkraskrár á Heilsugæslustöðinni á Dalvík á tíu mánaða tímabili glötuðust í tölvukerfi. Engan árangur bar að senda búnaðinn til tölvusérfræðinga í tveimur löndum. Öryggi sjúklinga stefnt í hættu og gríðarlegt fjárhagslegt tap.

Endurskoðendaskýrslur verða sendar sérstökum saksóknara

Skýrslur endurskoðenda um aðdraganda bankahrunsins, sem nú eru í vörslu Fjármálaeftirlitsins, verða sendar í heild sinni sérstökum saksóknara, Ólafi Þ. Haukssyni. Þetta segir Gunnar Haraldsson, formaður stjórnar Fjármálaeftirlitsins.

OR mæli ekki eigin mengun

„Bæjarráð hlýtur að undrast það viðhorf sem fram kemur í bréfi Umhverfisstofnunar að sá sem mengar eigi að hafa umsjón með mælingum á áhrifum mengunarinnar,“ segir bæjarráð Hveragerðis sem er ósátt við þá skoðun Umhverfisstofnunar að Orkuveita Reykjavíkur annist vöktun á áhrifum af brennisteinsvetni frá eigin jarðvarmavirkjunum á Hellisheiði.

Maður ærðist á Eyrarbakka

Maður fékk æðiskast við veitingastaðinn Rauða húsið á Eyrarbakka aðfaranótt sunnudagsins. Hann skemmdi lampa inni á veitingahúsinu og að því búnu æddi hann út og réðist að næsta bíl og sparkaði í hann. Lögregla hafði afskipti af manninum, sem virtist lítið róast við það. Eftir handtöku reyndi hann ítrekað að skalla lögreglumenn. Maðurinn var ölvaður og því vistaður í fangageymslu.

Formannsefni sagt stefnulaust

Þingmenn Framsóknarflokks og Samfylkingar sökuðu Sjálfstæðisflokkinn og formannsefni hans, Bjarna Benediktsson, um stefnuleysi í Evrópumálum á Alþingi í gær. Sjálfstæðismenn þvertóku fyrir það og sökuðu Samfylkinguna á móti um að hafa skipt um skoðun. Afstaða til ESB skipti engu þegar kæmi að stjórnarsamstarfi við Vinstri græna.

Heimili rýmd í gær og varðskip til taks

„Menn hafa verið að kanna snjóalög undanfarna daga og meta að það sé veikt millilag í Traðargili,“ segir Elías Jónatansson, bæjarstjóri í Bolungarvík, þar sem fimm íbúðarhús voru rýmd fyrir kvöldmat í gær.

Kostnaðurinn við þingið óviss

Ekki fást svör um áætlaðan kostnað við stjórnlagaþing, hvorki úr forsætis- né fjármálaráðuneyti. Í því síðarnefnda er unnið að kostnaðaráætlun vegna þessa en Lúðvík Guðjónsson, starfsmaður þar, vill ekki segja hvort kostnaður sem Björn Bjarnason, fyrrum dómsmálaráðherra, hefur áætlað, upp á 1,5 milljarða, sé í hærra lagi eða ekki.

Kosningaplagg eða krafa þjóðfélagsins

Þingmenn nefndu frumvarp um stjórnskipunarlög ýmist kosningaplagg eða svar við lýðræðiskröfu þjóðfélagsins. Ásakanir gengu á víxl um annarlegar hvatir á Alþingi í gær. Sjálfstæðismenn eru einangraðir í afstöðu sinni á þingi.

Fimmtungur heimila skuldar umfram eign

Áttatíu prósent heimila landsins eru með jákvæða eiginfjárstöðu en tuttugu prósent með neikvæða stöðu. Ástandið er viðkvæmt og þarf lítið til að fjölga í hópnum, segir Þorvarður Tjörvi Ólafsson, hagfræðingur í Seðlabankanum.

Baugur Group tekið til gjaldþrotaskipta

Héraðsdómur hafnaði í gær beiðni Baugs Group um áframhaldandi greiðslustöðvun. Dómari taldi áform um endurskipulagningu félagsins óraunhæf.

Bæklingur um lítinn rétt karla

Félag um foreldrajafnrétti hefur gefið út bækling sem meðal annars er ætlað að varpa ljósi á það að réttarstaða íslenskra karla hvað varðar jafnrétti foreldra sé líklega sú lakasta í vestrænum ríkjum.

Fresturinn rann út á miðnætti

Frestur til að sækja um starf forstjóra Fjármálaeftirlitsins rann út á miðnætti. Gunnar Haraldsson, formaður stjórnar eftirlitsins, vildi í gærkvöldi ekkert segja um hversu margar umsóknir hefðu borist. Hann ítrekar hins vegar að ráðningarferlið sé opið og gegnsætt og að ráðið verði í gegnum ráðningarskrifstofu. „Við erum ekki að pikka út neitt fólk fyrirfram,“ segir hann.

L-listi náði kjöri í trúnaðarráð

Kristinn Örn Jóhannesson var í gær kjörinn nýr formaður VR. Kristinn Örn hlaut tæp 42 prósent greiddra atkvæða og var því nokkuð öruggur. Lúðvík Lúðvíksson fékk 30 prósent atkvæða Gunnar Páll Pálsson, fráfarandi formaður, hlaut fæst atkvæði, eða 28 prósent.

Síbrotamaður áfram inni

Síbrotamaður sætir áfram gæsluvarðhaldi, eða þar til dómur gengur í máli hans, samkvæmt dómi Hæstaréttar. Maðurinn hefur verið ákærður fyrir héraðsdómi. Í ákæruskjali eru honum gefin að sök fjölmörg afbrot, einkum auðgunarbrot og önnur fjármunabrot. Má þar nefna fjölda nytjastulda á bifreiðum og þjófnaðarbrot, sem varða mikla fjármuni. Maðurinn á að baki töluverðan sakarferil. Þar á meðal dóma vegna auðgunarbrota.- jss

Þrykkti sambýlis­konu í gólfið

Nær þrítugur karlmaður hefur verið dæmdur í Héraðsdómi Reykjaness í tveggja mánaða skilorðsbundið fangelsi fyrir að ráðast á konu. Hann var dæmdur til að greiða henni 150 þúsund krónur í miskabætur. Þá missti hann ökuleyfið í eitt ár.

Baugur fékk ótrúlega fyrirgreiðslu

Jón Magnússon, þingmaður Sjálfstæðisflokksins, segir að flest bendi til þess að Baugur og skyld félög hafi á undanförnum árum fengið ótrúlega bankafyrirgreiðslu. Hann segist ekki hafa heyrt sennilega skýringu hjá þeim sem stýrðu viðskiptaveldi Baugs á réttmæti þeirra risalána sem fyrirtæki þeirra fengu.

Morðingjanum í Þýskalandi lýst sem venjulegum unglingi

Hinn sautján ára gamli Tim Kretschmer sem vopnaður byssu myrti fimmtán manns í og nærri gagnfræðiskóla í suðvesturhluta Þýskalands er lýst sem venjulegum unglingi

Alþingi láti af ál-draumórum

Ung vinstri græn skora á þingmenn Vinstrihreyfingarinnar - græns framboðs að greiða atkvæði gegn frumvarpi ríkisstjórnarinnar um heimild til samninga við Century Norðurál vegna álversuppbyggingar í Helguvík.

Sigurjón sigraði í baráttunni um 2. sætið

Sigurjón Þórðarson, fyrrverandi þingmaður, bar sigurorð á Magnúsi Þór Hafsteinssyni, varaformanni Frjálslynda flokksins, í póstkosningu um annað sætið á lista flokksins í Norðvesturkjördæmi. Rúmlega 300 manns eru skráðir í flokkinn í kjördæminu.

Varðskip í viðbragðsstöðu vegna snjóflóðahættu

Vegna snjóflóðahættu hafa varðskip Landhelgisgæslunnar verið sett í viðbragðsstöðu. Fyrr í kvöld ákvað Kristín Völundardóttir, lögreglustjóri á Vestfjörðum, í samráði við Veðurstofu Íslands að lýsa yfir hættustigi í Bolungarvík og stóð til að rýma nokkur hús í bæjarfélaginu fyrir klukkan 20.

Ekki kappsmál að koma þingmannsstól undir eigin rass

Bjarni Harðarson, bókasali og fyrrverandi þingmaður, segir að það sé ekki kappsmál að koma þingmannsstól undir eigin rass. Tilkynnt var í dag að Bjarni mun skipa fyrsta sætið hjá L-listanum í Reykjavík norður.

Hefur ekki áhrif á íslensk fyrirtæki Bónusfjölskyldunnar

Gjaldþrot Baugs Group mun ekki hafa teljandi áhrif á rekstur fyrirtækja í eigu Jóns Ásgeirs og fjölskyldu hans á Íslandi.

Þúsund hafa kosið í prófkjöri Samfylkingarinnar

Rúmlega þúsund hafa kosið í prófkjöri Samfylkingarinnar í Reykjavík sem hófst í fyrradag og lýkur á laugardaginn. Einungis flokksbundnir geta kosið og lokaði kjörskrá 28. febrúar. Alls gefa 19 frambjóðendur kost á sér í prófkjörinu, en Ingibjörg Sólrún Gísladóttir, formaður Samfylkingarinnar, dró á sunnudaginn framboð sitt til baka af heilsufarsástæðum.

Hesthúsum við Elliðaár mótmælt

Stangveiðifélag Reykjavíkur segir óskiljanlegt að Borgarráð Reykjavíkur hafi gefið samþykki sitt fyrir á byggingu hesthúsa fyrir allt að 600 hross á bökkum Elliðaánna, nánar tiltekið við veiðistaðinn Heyvað.

Norðmaður með allar tölurnar í Víkingalottóinu

Það var heppinn Norðmaður sem var með allar tölurnar réttar í Víkingalottóinu þegar dregið var í kvöld. Vinningstölurnar voru 2, 9, 14, 16, 30 og 41.

Fleiri skemmtiferðaskip í sumar á landsbyggðina

Komum skemmtiferðaskipa til hafna á landsbyggðinni fjölgar umtalsvert í sumar. Þannig hafa yfir sextíu skip boðað komu sína til Akureyrar og um þrjátíu til Ísafjarðar.

Vaxtabætur gætu hækkað um rúm 60 prósent

Útborgaðar vaxtabætur geta hækkað um á sjötta tug prósenta hjá þeim sem skulda mikið ef áform ríkisstjórnarinnar um hækkun vaxtabóta verða samþykkt á Alþingi.

Sáttasemjari milli Ölfuss og Reykjanesbæjar

Kjartan Ólafsson alþingismaður hefur ákveðið að gerast sáttasemjari í viðræðum sveitarfélagsins Ölfuss og Reykjanessbæjar til að höggva á þann hnút sem upp er kominn eftir að bæjarstjórn Ölfuss ákvað að koma í veg fyrir orkuflutninga frá Hellisheiði til Suðurnesja.

40% heimila skulda meira en eign þeirra stendur undir

Ríflega fjörtíu prósent heimila skulda meira en eign þeirra stendur undir eða eiga afar lítið umfram veðskuldir, samkvæmt greiningu Seðlabankans á stöðu heimilanna.

Sigurinn kom á óvart

Kristinn Örn Jóhannesson var kjörinn formaður VR í dag og felldi þar með Gunnar Pál Pálsson af formannsstóli. Kristinn boðar breyttar áherslur hjá félaginu.

Kynferðisbrotum gegn kornungum börnum fjölgar

Vísbendingar eru um að kynferðisbrotum gegn kornungum börnum hafi fjölgað og málin séu alvarlegri en áður. Grunur er um brot gegn börnum allt niður í eins árs.

Snjóflóðahætta í Bolungarvík - hús rýmd

Veðurstofan í samráði við lögreglustjórann á Vestfjörðum hefur lýst yfir hættustigi í Bolungarvík á reit 4 og er rýming hafin. Þetta á við um húsin Ljósaland 2, Traðarland 18, 21, 22 og Tröð. Gert er ráð fyrir að umrædd hús verði mannlaus fyrir klukkan 20 í kvöld, að fram kemur í tilkynningu frá Kristínu Völundardóttur lögreglustjóra á Vestfjörðum.

Milljarðar til umræðu á borgarafundi í Iðnó

Borgarafundur fer fram í Iðnó í kvöld undir yfirskriftinni ,,500 milljarðar til eigenda - glæpur eða vinargreiði." Fundurinn fer fram á vegum breiðfylkingarinnar Opins borgarafundar.

Umræðu um stjórnarskrárfrumvarpið lokið

Fyrstu umræðu um frumvarp til stjórnarskipunarlaga lauk á Alþingi fyrr í dag. Fyrsta umræða um frumvarpið hófst á föstudaginn og átti að halda áfram í gær en ekkert varð af því. Umræða hófst eftir hádegi í dag.