Varðskip í viðbragðsstöðu vegna snjóflóðahættu

Vegna snjóflóðahættu hafa varðskip Landhelgisgæslunnar verið sett í viðbragðsstöðu. Fyrr í kvöld ákvað Kristín Völundardóttir, lögreglustjóri á Vestfjörðum, í samráði við Veðurstofu Íslands að lýsa yfir hættustigi í Bolungarvík og stóð til að rýma nokkur hús í bæjarfélaginu fyrir klukkan 20.

,,Þar sem hættuástandi hefur verið lýst yfir á Vestfjörðum vegna snjóflóðahættu hafa varðskip Landhelgisgæslunnar og danskt varðskip í nágrenni við landið, verið beðin um að færa sig nær Vestfjörðum en áætlað er að skipin æfi saman á morgun. Hitt íslenska varðskipið er einnig í viðbragðsstöðu," segir í tilkynningu frá Landhelgisgæslunni.