Fleiri skemmtiferðaskip í sumar á landsbyggðina

Flest skipin koma að venju til Reykjavíkur, um áttatíu talsins, sem er svipað og í fyrra, en með þeim verða um sextíu þúsund farþegar. Það sem vekur athygli í ár er að skipin ætla að stöðva oftar og víðar í öðrum höfnum landsins. Þannig verður nærri helmingsaukning skemmtiferðaskipa á Ísafirði í sumar, úr 20 í 29, og til Seyðisfjarðar er búist við 17 skipum í ár, miðað við 8 í fyrra, og er þá Norræna ekki talin með.

Og hér sjáum við hafnirnar sem fá skemmtiferðaskip í sumar, og fjölda skipa. Þannig er von á tíu skipum til Keflavíkur, tólf skipum til Grundarfjarðar, 61 til Akureyrar, tveimur til Húsavíkur, fimmtán til Vestmannaeyja og þrjú skip áætla að leggjast inn á Djúpavog. Ágúst Ágústsson, formaður Cruise Iceland-samtakanna og markaðsstjóri Faxaflóahafna, kann enga skýringu á þessum aukna áhuga á landsbyggðinni, aðra en þá að staðirnir séu orðnir vel kynntir.

Kannanir sýna að um 80 prósent farþega kaupa sér skoðunarferðir í landi og hafnasjóðir bæjarfélöganna fá miklar tekjur af þessum risaskipum. Þannig segir Ágúast að nú sé svo komið að nærri fjórðungur tekna hafna Ísafjarðar og Akureyrar komi frá skemmtiferðaskipum.