Vilja flugvöllinn burtu

Ungir jafnaðarmenn í Reykjavík hafna málamiðlunartillögu um flugvöll á Lönguskerjum í ályktun sem þeir hafa samþykkt og ítreka fyrri afstöðu um að þeir vildu flugvöllinn burt sem fyrst. Skipulag Vatnsmýrarinnar er harðlega gagnrýnt í ályktuninni.

Spuni í kollinum á Degi

"Sjálfstæðisflokkurinn mun alls ekki selja Orkuveituna og engin umræða hefur farið fram um það innan borgarstjórnarflokksins," segir Vilhjálmur Þ. Vilhjálmsson oddviti sjálfstæðismanna í Reykjavík um yfirlýsingar Dags B. Eggertssonar í viðtali í Fréttablaðinu í gær. Þar sagði Dagur marga óttast að flokkurinn gæfi vinum sínum Orkuveituna.

Þrýstingi beitt á Ólafsfirðinga

Hart var lagt að bæjarstjórnarmönnum á Ólafsfirði að ræða við Norðurorku á Akureyri um sölu á Hitaveitu Ólafsfjarðar frekar en önnur orkufyrirtæki, bæði af bæjarstjórnarmönnum á Akureyri og einnig þingmönnum kjördæmisins. "Þeir voru æfir yfir því að við skyldum vilja selja hitaveituna."

40 starfsmenn vantar í 9 leikskóla

Af fimmtán leikskólum í Grafarvogi og Grafarholti sem Fréttablaðið spurðist fyrir hjá í gær eru aðeins sex fullmannaðir, en hina vantar nú þegar starfsmenn eða sjá fram á að þá vanti upp úr næstu mánaðamótum þegar sumarafleysingafólk hættir störfum.

Stunginn í bakið á róstusamri nótt

Piltur um tvítugt var stunginn í bakið í miðbæ Reykjavíkur í fyrrinótt, skömmu eftir að dagskrá Menningarnætur lauk. Árásarmaðurinn, sem er á svipuðum aldri, var handtekinn skammt frá. Fórnarlambið særðist alvarlega og var þegar færður á sjúkrahús og gekkst undir aðgerð. Hann var kominn úr öndunarvél síðdegis í gær og ástand hans er stöðugt.

Leggjast gegn stjórnarskránni

Leiðtogar súnní-múslima vara við því að ný stjórnarskrá sem sjía-múslimar og Kúrdar eru að ná samkomulagi um kunni að verða til að staða mála í Írak fari enn versnandi. Þeir hafa biðlað til Bandaríkjastjórnar og Sameinuðu þjóðanna um að koma í veg fyrir að nýja stjórnarskráin verði samþykkt.

Íslam verði meginuppspretta laga

Íslam verður „meginuppspretta“ íraskra laga og þingið mun starfa eftir reglum trúarinnar. Þetta eru nýjustu boð samningamanna sem sitja við gerð írösku stjórnarskrárinnar. Þeir eru nú þegar komnir fram yfir þann frest sem þeir gáfu sér í upphafi til að ljúka við fyrstu drög og ef þetta gengur í gegn er greinilegt að sjítar eru farnir að gefa eftir, en þeir hafa verið sammála megináherslu Bandaríkjastjórnar um að aðalatriði stjórnarskrárinnar eigi að snúast um lýðræði og mannréttindi.

Strætisvagnabílstjóri á batavegi

Strætisvagnabílstjórinn sem slasaðist alvarlega í umferðarslysi í Reykjavík í gærmorgun, er á batavegi. Hann er enn þá á gjörgæsludeild en búist er við að hann verði fluttur á aðra deild síðar í dag. Strætisvagninn lenti í árekstri við vörubíl á mótum Laugavegar og Kringlumýrarbrautar.

Vilja starfa nafnlausir í fangelsi

Norskir fangaverðir eru farnir að krefjast þess að starfa nafnlausir af ótta við hefndaraðgerðir fanga. Verðirnir vilja fá að skrifa nafnlausar skýrslur og sömuleiðis að bera vitni án þess að nafn þeirra komi fram. Verðirnir segja að fangarnir hóti þeim iðulega og því ættu þeir öryggisins vegna að fá að starfa nafnlaust eða undir dulnefni.

Menningarnótt að hefjast formlega

Menningarnótt í Reykjavík er í dag. Vel á þriðja hundrað menningaratburðir eru á dagskránni víðs vegar um borgina. Borgarstjóri setur Menningarnóttina formlega klukkan ellefu þegar skemmtiskokki Reykjavíkurmaraþonsins verður hleypt af stað.

Gripnir með marijúana

Þrír menn voru handteknir í nótt á Reykjanesbraut þar sem lítilræði af marijúana fannst við leit í bíl þeirra. Mennirnir voru látnir lausir eftir yfirheyrslu. Þá var tilkynnt um minni háttar líkamsárás í heimahúsi í Grindavík í nótt, en hún hefur ekki verið kærð.

Dæmdar bætur vegna áhrifa lyfs

Kviðdómur í Texas dæmdi í gær ekkju Bandaríkjamanns sem lést í kjölfar notkunar á verkjalyfinu Vioxx 253 milljónir bandaríkjadala í bætur. Það jafngildir 16,5 milljörðum króna. Búist er við að þessi upphæð lækki verulega við áfrýjun en hlutabréf í Merck's, sem framleiðir Vioxx, féllu skarpt þegar fréttirnar bárust.

Teknir í Kópavogslaug í nótt

Lögreglan í Kópavogi stöðvaði sundleikfimi tveggja rúmlega tvítugra pilta í Kópavogslauginni í nótt, en þeir höfðu brotist þar inn og farið í laugina. Sundferðin hjá piltunum verður þó nokkuð kostnaðarsöm því kalla þurfti sundlaugarvörðinn út sem þurfti að hreinsa til eftir piltana.

Flugvél brotlenti í Frakklandi

Flugmaður slökkviliðsflugvélar lést þegar vélin brotlenti í Ardeche-héraði í Suðaustur-Frakklandi í dag. Að sögn flugmálayfirvalda tók vélin þátt í slökkvistarfi á svæðinu en þar loga nú skógareldar. Yfirvöld segja annan mann hafa verið í flugvélinni en hann er ófundinn. Orsök slyssins er ókunn.

85% landnema farin frá Gasa

Áttatíu og fimm prósent íbúanna í landnemabyggðunum á Gasaströndinni hafa nú yfirgefið heimili sín. Herinn getur ekkert gert í dag til að flytja þá sem eftir eru á brott vegna sabbatsins, hvíldardags gyðinga. Lögreglan telur þó að allar byggðirnar sem á að rýma verði orðnar auðar á mánudag.

Páfi ræðir við leiðtoga múslíma

Benedikt sextándi páfi er nú í fjögurra daga heimsókn í föðurlandi sínu, Þýskalandi. Í gær ræddi hann við leiðtoga gyðinga í sýnagógu í Köln og varaði við vaxandi gyðingahatri. Í dag hyggst páfinn ræða við leiðtoga múslíma, en um þrjár milljónir manna í Þýskalandi eru múslímar, flestir af tyrkneskum uppruna.

Sniglaplága í Danmörku

Garðeigendur í Danmörku keppast nú við að drepa Spánarsnigla í tugþúsundatali. Sniglarnir eru orðnir alger plága og virðist fjölga með hverju árinu.

Vioxx tekið af markaði hér í fyrra

Kviðdómur í Texas dæmdi í gær ekkju Bandaríkjamanns sem lést í kjölfar notkunar á verkjalyfinu Vioxx, 253 milljónir Bandaríkjadala í bætur. Það jafngildir 16,5 milljörðum króna. Vioxx var mikið notað hérlendis þar til í fyrra.

Á þriðja hundrað viðburða

Menningarnótt Reykjavíkur er haldin í dag, í tíunda sinn. Hátíðin hófst með maraþonhlaupi í morgun og síðan rekur hver atburðurinn annan.

Flóð valda usla í Rúmeníu

Flóð halda áfram að valda usla í Rúmeníu, en síðustu fjóra daga hafa 14 manns látist og 1200 þurft að yfirgefa heimili sín vegna þeirra. Alls hafa 200 hús eyðilagst og 5.500 skemmst í flóðunum, að sögn innanríkisráðherra Rúmeníu, og þá eru 88 þorp án rafmagns.

Náðu 276 kg af afmetamíni

Búlgarska lögreglan lagði á dögunum hald á 276 kíló af amfetamínpillum í áhlaupi á rannsóknarstofu þar sem eiturlyf voru framleidd í suðurhluta Búlgaríu. Tveir menn voru handteknir í áhlaupinu en talið er að það hafi átta að senda amfetamínið til Miðausturlanda. Samkvæmt innanríkisráðuneyti Búlgaríu er götuverðmæti efnanna talið 40 milljónir dollara, en það samsvarar ríflega 2,5 milljörðum íslenskra króna.

Alvarlegt slys í Afganistan

Óttast er að allt að 20 manns hafi látist, þar á meðal konur og börn, þegar tvær rútur rákust saman í Zabul-héraði í Afganistan. Rúturnar komu hvor úr sinni áttinni en þær rákust saman á hraðbraut milli höfuðborgarinnar Kabúl og borgarinnar Kandahar í suðurhluta landsins. Um 30 manns slösuðust í árekstrinum.

Lést af völdum hnífsstungu

Tvítugur karlmaður lést af völdum hnífsstungu í húsi í Hverfisgötu 58 í Reykjavík í morgun. Fernt er í haldi lögreglu vegna málsins og verður ákveðið síðar í dag hvort gæsluvarðhalds verður krafist yfir einhverjum fjórmenninganna. Samkvæmt heimildum fréttastofunnar var maðurinn stunginn í hjartastað og er talið að hann hafi látist samstundis.

Geta boðið ódýrari lán

Innan Íbúðalánasjóðs er unnið að því að lækka vexti á íbúðalánum enn frekar. Nú eru vextir íbúðalána sjóðsins 4,15 prósent eins og hjá bönkum og sparisjóðum. Gangi breytingarnar eftir gætu vextirnir farið niður fyrir fjögur prósent.

Spánverjar syrgja hermenn

Sautján spænskir hermenn sem létust í þyrluslysi í Afganistan á þriðjudag voru jarðsettir í dag með mikilli viðhöfn. Meðal þeirra sem sóttu athöfnina, sem fram fór í höfuðstöðvum hersins í Madríd, voru spænsku konungshjónin og Jose Luis Zapatero, forsætisráðherra Spánar. Lýst hefur verið yfir tveggja daga þjóðarsorg á Spáni vegna atburðanna, en ekki er enn ljóst hvað olli því að þyrlan hrapaði til jarðar.

Stöðugur straumur í miðborgina

Stöðugur straumur er nú niður í miðborg Reykjavíkur þar sem Menningarnótt er í algleymingi. Að sögn lögreglu hefur allt gengið vel hingað til og býst hún við fólki haldi áfram að fjölga í miðbænum enda veður betra en spár gerðu ráð fyrir.

Lögreglumenn vegnir í Dagestan

Að minnsta kosti þrír lögreglumenn létust og fjórir særðust þegar bílsprengja sprakk í Dagestan í Rússlandi í dag. Interfax-fréttastofan greinir frá því að bíll, sem var hlaðinn sprengiefni, hafi sprungið við eina aðalumferðaræðina í Makhachkala, höfuðborg Dagestans, í þann mund sem lögregla ók þar fram hjá í eftirlitsferð.

Ráðist á flokksskrifstofur í Írak

Byssumenn réðust á skrifstofur Lýðræðisflokks Kúrdistans í Kirkuk í norðurhluta Íraks í dag og særðu þrjá menn sem stóðu vörð um skrifstofurnar. Árásin kom í kjölfar mótmæla í borginni á vegum arabískra stjórnmálamanna sem eru andvígir því að Írak verði sambandsríki. Þeir telja að með því muni Kúrdar ná völdum í borginni.

Nýnasistar marséra í Kolding

Um eitt hundrað danskir, sænskir og þýskir nýnasistar gengu um bæinn Kolding í Danmörku í dag til þess að minnast dánardægurs Rudolfs Hess. Þá mótmæltu nýnasistarnir því að þýsk stjórnvöld hefðu bannað samsvarandi göngu þar í landi í síðasta mánuði. Lögregla í Kolding fylgdist vel með hópnum og lagði hald á nokkur barefli sem fundust á mönnunum en hópurinn fékk ganga um höfn bæjarins.

Kosið í Palestínu 25. janúar

Mahmoud Abbas, forseti Palestínu, greindi frá því í dag að þingkosningar í landinu færu fram 25. janúar á næsta ári. Upphaflega áttu þær að fara fram í júlí síðastliðnum en yfirvöld í Palestínu frestuðu þeim og báru við vandræðum með kosningalöggjöf og brottflutningi Ísraela frá landnemabyggðum á Gasa og Vesturbakkanum.

Þúsundir Breta í mál við Merck

Búast má við því þúsundir Breta leiti réttar síns gagnvart lyfjafyrirtækinu Merck eftir að kviðdómur í Texas úrskurðaði í gær að ekkju Bandaríkjamanns sem lést í kjölfar notkunar á verkjalyfinu Vioxx skyldu dæmdar bætur. Merck er gefið að sök að hafa leynt vitneskju um hættuleg aukaáhrif lyfsins, sem notað var gegn gigt, en rannsóknir sýndu að sá sem tók það í meira en átján mánuði var í tvöfalt meiri hættu að fá hjartaáfall.

Fólk noti strætisvagna meira

Mikill mannfjöldi er nú í miðborg Reykjavíkur þar sem Menningarnótt er haldin hátíðleg í blíðskaparveðri. Að sögn lögreglu mikill straumur af gangandi fólki á leið niður í bæ og þá streyma bílar vestur eftir Sæbrautinni og er umferð allmikil. Vill lögregla benda fólki sem er á leið niður í bæ að nýta sér almenningssamgöngur, en strætisvagnar á leið í miðbæinn stoppa á móts við Hljómskálann en vagnar á leið út úr miðborginni fara frá biðstöðinni við Ráðhúsið í Vonarstræti.

Hirtu þrjú tonn af kókaíni af báti

Sjóherinn á Frönsku Gvæjana lagði á sunnudaginn hald á þrjú tonn af kókaíni af fiskibáti frá Venesúela. Frá þessu greindu yfirvöld á staðnum í dag. Eftir ábendingu frá bandarísku strandgæslunni fylgdust frönsk yfirvöld með bátnum og létu loks til skarar skríða á fransk-gvæjönsku hafsvæði.

Munu áfram skjóta til að drepa

Lögregla í Lundúnum mun ekki hverfa frá þeirri stefnu að skjóta til drepa menn sem hún telur að ætli að fremja hryðjuverk. Að þessari niðurstöðu komust lögregluyfirvöld eftir endurskoðun á stefnunni í kjölfar þess að Brasilíumaðurinn Jean Charles de Menezers var skotinn fyrir mistök á Stockwell-lestarstöðinni í Lundúnum 22. júlí síðastliðinn.

HM í tangó í Argentínu

Heimsmeistaramótið í tangódansi fer fram þessa dagana í Búenos Aíres í Argentínu. Á annað hundrað pör hófu keppni en nú eru þrjátíu eftir. Flest eru þau argentínsk, en tangóinn á rætur sínar þar. Hann varð til úr blöndu ýmissa dansa og alls konar tónlistar sem evrópskir innflytjendur fluttu með sér til Argentínu í byrjun síðustu aldar.

Batt, pyntaði og myrti

Dómstóll í Sedgwick-sýslu í Kansas dæmdi á fimmtudaginn Dennis Rader, betur þekktan sem BTK, í tífalt lífstíðarfangelsi. Þar með er endi bundinn á harmleik sem rekur sig þrjátíu ár aftur í tímann.

Prestsmál rædd við biskup

Matthías G. Pétursson sóknarnefndarformaður Garðasóknar hittir séra Karl Sigurbjörnsson biskup í dag í kjölfar úrsskurðar um tilflutning séra Hans Markúsar Hafsteinssonar í starfi. Hans Markús er í leyfi og séra Friðrik Hjartar messaði í hans stað í gær.

Tíu daga varðhald vegna morðs

Tvítugur piltur var stunginn til bana í miðborg Reykjavíkur í morgun. 23 ára gamall karlmaður er grunaður um verknaðinn og hefur hann verið úrskurðaður í 10 daga gæsluvarðhald.

Áhrif Vioxx rannsökuð hérlendis

Ekki er vitað um nein dauðsföll hér á landi af völdum gigtarlyfsins Vioxx en það á þó að rannsaka betur. Merck & co. ætlar að áfrýja dómi um skaðabætur sem fyrirtækið var dæmt til að greiða.

Lögreglan heldur áfram að skjóta

Lundúnalögreglan ætlar ekki að láta af stefnu sinni að skjóta á grunaða sjálfsmorðsprengjumenn sem óhlýðnast skipunum þeirra.

Vegagerð í friðland kærð

Vegarslóði frá Unaðsdal á Snæfjallaströnd upp á Dalsheiði hefur nú verið gerður jeppafær ofan í Leirufjörð í Jökulfjörðum.

Kosningadagur ákveðinn

Mahmoud Abbas, forseti palestínsku heimastjórnarinnar gaf út tilskipun í gær sem kveður á um að landið þar sem byggðir Ísraela á Gaza stóðu áður yrðu almenningseign. Auk þess tilkynnti hann að þingkosningar yrðu haldnar 25. janúar næstkomandi.

Sprengjutilræði í Dagestan

Þrír lögreglumenn biðu bana og fjöldi særðist í sprengjutilræði í Makhachkala, höfuðborg rússneska sjálfstjórnarhéraðsins Dagestan í Kákasusfjöllum.

Bætur fyrir Kópavogshöfn

Dagur B. Eggertsson borgarfulltrúi R-listans og formaður skipulagsráðs Reykjavíkurborgar segist líta svo á að Gunnar I. Birgisson bæjarstjóri Kópavogs sé til viðræðu um nýjan flugvöll höfðuborgarsvæðisins á Lönguskerjum.

Handrit Einsteins fundið

Handrit að ritgerð sem Albert Einstein birti árið 1925 fannst í skjalasafni Leiden-háskóla í Hollandi á dögunum.