Fær langan lista vandamála frá Lampard: „Þurfa allir að taka ábyrgð“

Þrátt fyrir mikla fjár­festingu í leik­manna­hópi sínum endaði Chelsea að­eins í 12. sæti ensku úr­vals­deildarinnar.

Liðið hefur verið í ó­trú­legu basli undan­farna mánuði.

„Það er mikil vinna fram undan. Það er mín niður­staða eftir sex vikur í starfi hér. Standardinn hjá Chelsea hefur beðið hnekki. Ég get verið hrein­skilinn með þetta vegna þess að þetta var minn síðasti leikur hjá fé­laginu,“ sagði Lampard í við­tali við Sky Sports eftir leik Chelsea og New­cast­le United í gær.

Ef standardinn sé ekki í lagi hjá fé­lagi eins og Chelsea þá muni það reynast erfitt fyrir fé­lagið að berjast við bestu lið ensku úr­vals­deildarinnar.

Hann segir skorta upp á sam­heldnina inn í búnings­her­bergi liðsins. Leik­menn þurfi að keyra hvorn annan á­fram.

„Þegar að ég kom inn sem bráða­birgða­stjóri sá ég um leið að það vantaði mikið upp á. Auð­vitað getur góður knatt­spyrnu­stjóri hjálpað mikið til en nú þurfa allir að taka á­byrgð.“

Mauricio Pochettino mun taka við sem knatt­spyrnu­stjóri Chelsea og mun hann vafa­laust fá langan lista fá Lampard um það sem honum finnst þurfa að laga hjá fé­laginu.