Enski boltinn

Gerðu grín að Neville og svo tók Scholes undir

Sindri Sverrisson skrifar
Gary Neville, David Beckham og Paul Scholes voru liðsfélagar í enska landsliðinu og hjá Manchester United.
Gary Neville, David Beckham og Paul Scholes voru liðsfélagar í enska landsliðinu og hjá Manchester United. Getty/Mark Leech

Gary Neville, fyrrverandi leikmaður Manchester United og enska landsliðsins í fótbolta, rifjaði upp skemmtilega sögu frá sínum ferli þegar hann mætti á Craven Cottage á sunnudag í hlutverki sparkspekings.

Neville lék 400 deildarleiki fyrir United og 85 A-landsleiki fyrir England, og vann á ferlinum meðal annars átta Englandsmeistaratitla og tvo Evrópumeistaratitla.

Engu að síður efuðust margir um hæfileika bæði hans og bróður hans, Phil.

Gary Neville sagði þannig frá því að eitt sinn þegar hann var að fara að spila gegn Fulham á Craven Cottage hefðu áhorfendur beint spjótum sínum að þeim bræðrum. Það hefði verið í fyrsta sinn sem hann heyrði ákveðinn söng, og Paul Scholes liðsfélagi þeirra hafði greinilega gaman af.

„Þetta var í fyrsta sinn sem ég heyrði þessi köll. Þetta voru náungar um fimmtugt með pottlok, í nístandi kulda þegar við vorum að hita upp, sem fóru að syngja: „Ef að Neville-bræður geta spilað fyrir England þá get ég það. Ef að Neville-bræður geta spilað fyrir England þá get ég það…“ og Scholesy, sem var að hita upp með okkur Phil, byrjaði að syngja með þeim. Litli mörðurinn,“ sagði Neville.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.