Erlent

Hyggjast banna „Parasite-kjallaraíbúðir“ í Seúl

Ólafur Björn Sverrisson skrifar
Íbúðin sem konurnar tvær og 13 ára stelpan lokuðust inni í og létust í, í flóðunum í Seúl.
Íbúðin sem konurnar tvær og 13 ára stelpan lokuðust inni í og létust í, í flóðunum í Seúl. bbc

Yfirvöld í Suður Kóreu hyggjast banna ákveðnar tegundir kjallaraíbúða í Seúl, höfuðborg landsins í kjölfar dauða tveggja kvenna og ungrar stelpu sem fórust í miklum flóðum í borginni fyrr í þessari viku.

Um er að ræða litlar kjallaraíbúðir, sem voru áberandi í Óskarsverðlaunamyndinni Parasite en íbúðirnar eru alla jafnan leigðar út til fólks með afar lítið á milli handanna. Framvegis munu yfirvöld í Seúl ekki gefa út byggingarleyfi fyrir slíkum íbúðum og ætla að vinna að endurbótum á þeim íbúðum sem fyrir eru. 

Upphaflega var greint frá því að átta hefðu látið lífið í gríðarlegum flóðum á mánudag í kjölfar úrhellisrigninga í Seúl. Sú tala er nú komin upp í ellefu en fjórtán slösuðust til viðbótar. Samkvæmt veðurstofu landsins var á sumum svæðum um að ræða mesta regnfall í 80 ár.

Á mánudagskvöld fundust tvær konur, systur á fimmtugsaldri og 13 ára dóttir annarrar, látnar í kjallaraíbúðinni sem var þá yfirfullt af vatni. Að því er fregnir herma kölluðu þær á hjálp á meðan vatnið flæddi inn en björgunaraðgerðir mistókust.

Hörmungarnar hafa endurvakið athygli á miklum ójöfnuði í landinu, líkt og beint var sjónum að í Parasite-myndinni. Íbúðirnar hafa í raun verið alræmdar í Suður-Kóreru vegna hættulegra lífsskilyrða og ódýrrar leigu en nú hyggjast yfirvöld veita þeim íbúum húsaskjól til bráðabirgða til að vinna endurbætur á íbúðunum.

Frá stórmyndinni Parasite þar sem kjallaraíbúðirnar fengu stórt hlutverk og ljósi varpað á andhverfu þeirra, glæsivillur í fínustu hverfum Seúl.skjáskot


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.