Erlent

Fleiri skip sigla úr höfn

Viktor Örn Ásgeirsson skrifar
Samhæfingarmiðstöð í Istanbúl hefur umsjón með kornútflutningnum. Myndin er tekin við höfnina í Odessu.
Samhæfingarmiðstöð í Istanbúl hefur umsjón með kornútflutningnum. Myndin er tekin við höfnina í Odessu. Getty/Abramiv

Fjögur skip með korn innanborðs sigldu út á Svartahaf frá Úkraínu í morgun. Um tuttugu milljónir tonna bíða útflutnings frá Úkraínu en samanlagt voru um 160 þúsund tonn í skipunum fjórum.

Úkraínumenn og Rússar gerðu með sér samning um kornútflutning Úkraínumanna fyrr í mánuðinum með fulltingi Tyrkja og Sameinuðu þjóðanna. Fyrir innrásina framleiddu Rússland og Úkraína samanlagt um þriðjung af öllu korni í heiminum. Sameinuðu þjóðirnar höfðu varað við hungursneyð, ef ekki næðust samningar milli landanna.

Þrjú flutningaskip með korn innanborðs lögðu úr höfn í Úkraínu á föstudaginn og fagna yfirvöld því að vel gangi.

Hér má sjá frétt Stöðvar 2 um málið.

Skipafélög höfðu varann á í upphafi en Rússar höfðu tvígang gert loftárásir á Odessu eftir að samkomulag um kornútflutning var undirritað. 

Dmytro Kuleba utanríkisráðherra Úkraínu fagnar útflutningnum og bindur vonir við að Rússar standi við samninginn, en samkomulagið gildir í 120 daga. Þegar Rússar hófu innrás sína hinn 24. febrúar voru um hundrað flutningaskip í höfnum Úkraínu við Svartahaf og höfðu ekki komist þaðan síðan.

Innrás Rússa í Úkraínu Rússland Úkraína
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið