Félagsskipti Fabio til Liverpool hafa lengi legið í loftinu og voru nærri því gengin í gegn í janúarglugganum. Fljótlega varð ljóst að leikmaðurinn myndi fara til Bítlaborgarinnar í sumar og nú er það sem sagt staðfest.

Carvalho er nítján ára gamall framherji og spilaði stórt hlutverk hjá Fulham þegar liðið vann sér sæti í ensku úrvalsdeildinni á þessari leiktíð.

Carvalho var með tíu mörk og átta stoðsendingar í 36 deildarleikjum í vetur en hafði komið fjórum sinnum við sögu í ensku úrvalsdeildinni árið áður.

Fabio Carvalho er fæddur nálægt Lissabon í Portúgal en lék fyrst með unglingalandsliðum Englands. Hann spilaði aftur á móti sinn fyrsta leik með 21 árs landsliðið Portúgals í mars á þessu ári.

Carvalho kom upp um unglingastarfið hjá Fulham en skrifar nú undir fimm ára samning við Liverpool.