Rannsaka atlögu Giuliani að sendiherranum í Kænugarði Kjartan Kjartansson skrifar 30. apríl 2021 22:15 Trump, þáverandi forseti, fól Rudy Giuliani, persónulegum lögmanni sínum, í reynd að reka utanríkisstefnu sína gagnvart Úkraínu um skeið. Rannsókn bandarískra yfirvalda virðist nú beinast að því hvort að Giuliani hafi unnið fyrir fleiri en Trump í landinu. AP/Jacquelyn Martin Bandarísk alríkisyfirvöld rannsaka nú hlut Rudys Giuliani, persónulegs lögmanns Donalds Trump, fyrrverandi Bandaríkjaforseta, í því að ryðja sendiherra Bandaríkjanna í Úkraínu úr vegi árið 2019. Húsleit var gerð á heimili og skrifstofu Giuliani vegna rannsóknarinnar í vikunni. New York Times fullyrðir að í húsleitarheimild sem bandaríska alríkislögreglan fékk sé vísað til Marie Yovanovitch, fyrrverandi sendiherra Bandaríkjanna í Kænugarði, sem Trump lét kalla heim fyrirvaralaust í kjölfar áróðursherferðar Giuliani og fleiri gegn henni í maí árið 2019. Rannsakendurnir voru einnig á höttunum eftir samskiptum Giuliani við nokkra úkraínska embættismenn sem töldu sig eiga sökótt við sendiherrann. Þetta er sagt benda til þess að rannsóknin á Giuliani beinist að því hvort að hann hafi reynt að ryðja Yovanovitch úr vegi fyrir hönd Trump eða Úkraínumannanna. Rannsóknin er talin beinast að því hvort að Giuliani hafi starfað á laun sem málsvari erlends ríkis á sama tíma og hann kom fram fyrir hönd Trump þegar hann var forseti. Bandarísk alríkislög skylda þá sem vinna málafylgjustörf fyrir erlend ríki til að skrá sig hjá yfirvöldum. Giuliani neitar allri sök en hann hefur ekki verið ákærður fyrir glæp til þessa. Sakaði Giuliani um ófrægingarherferð gegn sér Brottrekstur Yovanovitch var einn af vendipunktunum í atburðarásinni sem leiddi til þess að fulltrúadeild Bandaríkjaþings kærði Trump fyrir embættisbrot haustið 2019. Giuliani reri að því öllum árum að Yovanovitch yrði fjarlægð úr stöðu sinni þar sem hann taldi hana vera sér Þránd í Götu í því að nálgast skaðlegar upplýsingar um Joe Biden, sem þá var líklegasti keppinautur Trump um forsetaembættið, í Úkraínu. Yovanovitch bar vitni í rannsókn fulltrúadeildarinnar og sakaði Giuliani um að hafa staðið að ófrægingarherferð í sinn garð. Trump var á endanum kærður fyrir að misbeita valdi sínu þegar hann þrýsti á úkraínsk stjórnvöld að rannsaka Biden og lét halda eftir hundruð milljóna dollara hernaðaraðstoð til landsins. Giuliani vann meðal annars með Júrí Lútsenkó, fyrrverandi ríkisaksóknara Úkraínu, sem vildi einnig losna við Yovanovitch sem sendiherra Bandaríkjanna. Lögmaður Giuliani staðfestir við AP-fréttastofuna að leitarheimild alríkislögreglunnar hafi náð til samskipta skjólstæðings síns við Lútsenkó. Rannsókn bandarískra yfirvalda er sögð snúast að hluta um hvort að Giuliani kunni að hafa unnið fyrir Lútsenkó og aðra Úkraínumenn að því að bola Yovanovitch burt. Jafnvel þó að hann hefði ekki fengið greitt fyrir viðvikið í beinhörðum peningnum gætu saksóknar haldið því fram að Úkraínumennirnir hefðu umbunað Giuliani með upplýsingum um Biden og son hans Hunter. Trump, að undirlagi Giuliani, hélt uppi ásökunum um að Biden-feðgarnir hafi verið viðriðnir spillingu í Úkraínu. Fyrir því lögðu þeir þó aldrei fram trúverðug sönnunargögn. Washington Post sagði frá því í gær að bandaríska alríkislögreglan FBI hefði varað Giuliani við því rússneska leyniþjónustan reyndi að hafa hann að leiksoppi í því skyni að koma höggi á Biden í aðdraganda forsetakosninga síðla árs 2019. Þrátt fyrir það héldu Trump og Giuliani áfram uppi stoðlausum samsæriskenningum sem virtust runnar undan rifjum rússnesku leyniþjónustunnar, þar á meðal að það hafi í raun verið Úkraínustjórn sem reyndi að hafa áhrif á forsetakosningarnar sem Trump vann árið 2016 en ekki Rússland, þvert á niðurstöðu bandarísku leyniþjónustunnar. Uppfært 1. maí 2021: Washington Post hefur leiðrétt frétt sína í kjölfar birtingar og dregið fullyrðingar sínar til baka um að FBI hafi varað Giuliani við því að rússneska leyniþjónustan hafi reynt að notfæra sér hann sem hluta af aðgerðum sínum. Bandaríkin Donald Trump Úkraína Rússland Tengdar fréttir Húsleit gerð á heimili Rudys Giuliani Fulltrúar bandarísku alríkislögreglunnar gerðu húsleit á heimili og skrifstofu Rudys Giuliani, fyrrverandi borgarstjóra New York og persónulegs lögmanns Donalds Trump fyrrverandi forseta, á Manhattan í dag. Leitin er sögð liður í rannsókn á því hvort að Giuliani hafi starfað fyrir erlend ríki á laun. 28. apríl 2021 18:32 Rússar reyndu að hafa áhrif á bandamenn Trump Vladímír Pútín Rússlandsforseti skipaði persónulega fyrir um tilraunir rússnesku leyniþjónustunnar til þess að koma höggi á Joe Biden í aðdraganda forsetakosninganna í Bandaríkjunum síðasta haust. Leyniþjónustan er meðal annars sögð hafa háð leynilega herferð til þess að hafa áhrif á nána bandamenn Donalds Trump, þáverandi forseta. 17. mars 2021 09:25 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Hættur við að styðja Höllu Hrund Innlent Segir upp hjá RÚV og snýr sér að pólitík Innlent „Ég held að Landskjörstjórn þurfi að endurskoða sína lögfræðiþekkingu“ Innlent Forsetavaktin 2024: Hver verður sjöundi forseti lýðveldisins? Innlent Dramatík þegar tveimur var tilkynnt um ólögleg framboð Innlent Guðrún á Glitstöðum segir vaðið yfir vilja almennings Innlent Viktor og Kári heltast úr lestinni Innlent Halla Hrund fremst í nýrri könnun og Katrín dottin niður í þriðja sæti Innlent Helmingurinn af búslóðinni í ruslið Innlent Þættirnir rími við margt í raunveruleikanum Innlent Fleiri fréttir Yousaf segir af sér sem ráðherra og formaður Skoska þjóðarflokksins Sánchez hættir við að segja af sér Grafið undan fjölmiðlafrelsinu víða í Evrópu Vopnahlé í sjónmáli? Tveir látnir eftir að bíll hafnaði í sjónum við Stokkhólm Fjölmenn mótmæli vegna ofbeldisbylgju í Ástralíu Vasaúr ríkasta manns Titanic seldist á 210 milljónir Þúsundir hvöttu Sánchez til að segja ekki af sér Skoða að færa Mónu Lísu í eigið herbergi Harvey Weinstein lagður inn á spítala Þingmaður hleypti af skoti fyrir utan skemmtistað Rýma dómshús vegna sprengjuhótunar Dómstóll fyrirskipar handtöku landbúnaðarráðherra Selenskís Ákvörðun áfrýjunardómstólsins áfall og stórt skref aftur á bak Trump líklegur til að græða á úrskurði Hæstaréttar Dómi Harvey Weinstein snúið við Tekur fyrir að hafa verið „hermaður Hitlers“ Maður á sextugsaldri sagður hafa stungið grunnskóladreng Sánchez íhugar að segja af sér vegna meintrar spillingar Spaðar Rauðu myllunnar hrundu til jarðar í nótt Skipulögðu árásir í Þýskalandi og víðar í nafni ISKP Fyrstu hergögnin eiga að berast til Úkraínu á næstu klukkustundum Segir ekki af sér þrátt fyrir njósnir aðstoðarmannsins Aðstoðarvarnarmálaráðherra ákærður fyrir mútuþægni Upptök eldsins í gömlu kauphöllinni enn ókunn Settur út af sakramentinu fyrir að stýra minningarstund um Navalní Handtóku barnunga öfgamenn eftir stunguárás í Sydney Ekki ólöglegt fyrir konur að brjóta gegn körlum Grunuð um að hafa banað tveimur börnum Vitni greinir frá ráðabruggi og lögmaður Trump fær viðvörun Sjá meira
New York Times fullyrðir að í húsleitarheimild sem bandaríska alríkislögreglan fékk sé vísað til Marie Yovanovitch, fyrrverandi sendiherra Bandaríkjanna í Kænugarði, sem Trump lét kalla heim fyrirvaralaust í kjölfar áróðursherferðar Giuliani og fleiri gegn henni í maí árið 2019. Rannsakendurnir voru einnig á höttunum eftir samskiptum Giuliani við nokkra úkraínska embættismenn sem töldu sig eiga sökótt við sendiherrann. Þetta er sagt benda til þess að rannsóknin á Giuliani beinist að því hvort að hann hafi reynt að ryðja Yovanovitch úr vegi fyrir hönd Trump eða Úkraínumannanna. Rannsóknin er talin beinast að því hvort að Giuliani hafi starfað á laun sem málsvari erlends ríkis á sama tíma og hann kom fram fyrir hönd Trump þegar hann var forseti. Bandarísk alríkislög skylda þá sem vinna málafylgjustörf fyrir erlend ríki til að skrá sig hjá yfirvöldum. Giuliani neitar allri sök en hann hefur ekki verið ákærður fyrir glæp til þessa. Sakaði Giuliani um ófrægingarherferð gegn sér Brottrekstur Yovanovitch var einn af vendipunktunum í atburðarásinni sem leiddi til þess að fulltrúadeild Bandaríkjaþings kærði Trump fyrir embættisbrot haustið 2019. Giuliani reri að því öllum árum að Yovanovitch yrði fjarlægð úr stöðu sinni þar sem hann taldi hana vera sér Þránd í Götu í því að nálgast skaðlegar upplýsingar um Joe Biden, sem þá var líklegasti keppinautur Trump um forsetaembættið, í Úkraínu. Yovanovitch bar vitni í rannsókn fulltrúadeildarinnar og sakaði Giuliani um að hafa staðið að ófrægingarherferð í sinn garð. Trump var á endanum kærður fyrir að misbeita valdi sínu þegar hann þrýsti á úkraínsk stjórnvöld að rannsaka Biden og lét halda eftir hundruð milljóna dollara hernaðaraðstoð til landsins. Giuliani vann meðal annars með Júrí Lútsenkó, fyrrverandi ríkisaksóknara Úkraínu, sem vildi einnig losna við Yovanovitch sem sendiherra Bandaríkjanna. Lögmaður Giuliani staðfestir við AP-fréttastofuna að leitarheimild alríkislögreglunnar hafi náð til samskipta skjólstæðings síns við Lútsenkó. Rannsókn bandarískra yfirvalda er sögð snúast að hluta um hvort að Giuliani kunni að hafa unnið fyrir Lútsenkó og aðra Úkraínumenn að því að bola Yovanovitch burt. Jafnvel þó að hann hefði ekki fengið greitt fyrir viðvikið í beinhörðum peningnum gætu saksóknar haldið því fram að Úkraínumennirnir hefðu umbunað Giuliani með upplýsingum um Biden og son hans Hunter. Trump, að undirlagi Giuliani, hélt uppi ásökunum um að Biden-feðgarnir hafi verið viðriðnir spillingu í Úkraínu. Fyrir því lögðu þeir þó aldrei fram trúverðug sönnunargögn. Washington Post sagði frá því í gær að bandaríska alríkislögreglan FBI hefði varað Giuliani við því rússneska leyniþjónustan reyndi að hafa hann að leiksoppi í því skyni að koma höggi á Biden í aðdraganda forsetakosninga síðla árs 2019. Þrátt fyrir það héldu Trump og Giuliani áfram uppi stoðlausum samsæriskenningum sem virtust runnar undan rifjum rússnesku leyniþjónustunnar, þar á meðal að það hafi í raun verið Úkraínustjórn sem reyndi að hafa áhrif á forsetakosningarnar sem Trump vann árið 2016 en ekki Rússland, þvert á niðurstöðu bandarísku leyniþjónustunnar. Uppfært 1. maí 2021: Washington Post hefur leiðrétt frétt sína í kjölfar birtingar og dregið fullyrðingar sínar til baka um að FBI hafi varað Giuliani við því að rússneska leyniþjónustan hafi reynt að notfæra sér hann sem hluta af aðgerðum sínum.
Bandaríkin Donald Trump Úkraína Rússland Tengdar fréttir Húsleit gerð á heimili Rudys Giuliani Fulltrúar bandarísku alríkislögreglunnar gerðu húsleit á heimili og skrifstofu Rudys Giuliani, fyrrverandi borgarstjóra New York og persónulegs lögmanns Donalds Trump fyrrverandi forseta, á Manhattan í dag. Leitin er sögð liður í rannsókn á því hvort að Giuliani hafi starfað fyrir erlend ríki á laun. 28. apríl 2021 18:32 Rússar reyndu að hafa áhrif á bandamenn Trump Vladímír Pútín Rússlandsforseti skipaði persónulega fyrir um tilraunir rússnesku leyniþjónustunnar til þess að koma höggi á Joe Biden í aðdraganda forsetakosninganna í Bandaríkjunum síðasta haust. Leyniþjónustan er meðal annars sögð hafa háð leynilega herferð til þess að hafa áhrif á nána bandamenn Donalds Trump, þáverandi forseta. 17. mars 2021 09:25 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Hættur við að styðja Höllu Hrund Innlent Segir upp hjá RÚV og snýr sér að pólitík Innlent „Ég held að Landskjörstjórn þurfi að endurskoða sína lögfræðiþekkingu“ Innlent Forsetavaktin 2024: Hver verður sjöundi forseti lýðveldisins? Innlent Dramatík þegar tveimur var tilkynnt um ólögleg framboð Innlent Guðrún á Glitstöðum segir vaðið yfir vilja almennings Innlent Viktor og Kári heltast úr lestinni Innlent Halla Hrund fremst í nýrri könnun og Katrín dottin niður í þriðja sæti Innlent Helmingurinn af búslóðinni í ruslið Innlent Þættirnir rími við margt í raunveruleikanum Innlent Fleiri fréttir Yousaf segir af sér sem ráðherra og formaður Skoska þjóðarflokksins Sánchez hættir við að segja af sér Grafið undan fjölmiðlafrelsinu víða í Evrópu Vopnahlé í sjónmáli? Tveir látnir eftir að bíll hafnaði í sjónum við Stokkhólm Fjölmenn mótmæli vegna ofbeldisbylgju í Ástralíu Vasaúr ríkasta manns Titanic seldist á 210 milljónir Þúsundir hvöttu Sánchez til að segja ekki af sér Skoða að færa Mónu Lísu í eigið herbergi Harvey Weinstein lagður inn á spítala Þingmaður hleypti af skoti fyrir utan skemmtistað Rýma dómshús vegna sprengjuhótunar Dómstóll fyrirskipar handtöku landbúnaðarráðherra Selenskís Ákvörðun áfrýjunardómstólsins áfall og stórt skref aftur á bak Trump líklegur til að græða á úrskurði Hæstaréttar Dómi Harvey Weinstein snúið við Tekur fyrir að hafa verið „hermaður Hitlers“ Maður á sextugsaldri sagður hafa stungið grunnskóladreng Sánchez íhugar að segja af sér vegna meintrar spillingar Spaðar Rauðu myllunnar hrundu til jarðar í nótt Skipulögðu árásir í Þýskalandi og víðar í nafni ISKP Fyrstu hergögnin eiga að berast til Úkraínu á næstu klukkustundum Segir ekki af sér þrátt fyrir njósnir aðstoðarmannsins Aðstoðarvarnarmálaráðherra ákærður fyrir mútuþægni Upptök eldsins í gömlu kauphöllinni enn ókunn Settur út af sakramentinu fyrir að stýra minningarstund um Navalní Handtóku barnunga öfgamenn eftir stunguárás í Sydney Ekki ólöglegt fyrir konur að brjóta gegn körlum Grunuð um að hafa banað tveimur börnum Vitni greinir frá ráðabruggi og lögmaður Trump fær viðvörun Sjá meira
Húsleit gerð á heimili Rudys Giuliani Fulltrúar bandarísku alríkislögreglunnar gerðu húsleit á heimili og skrifstofu Rudys Giuliani, fyrrverandi borgarstjóra New York og persónulegs lögmanns Donalds Trump fyrrverandi forseta, á Manhattan í dag. Leitin er sögð liður í rannsókn á því hvort að Giuliani hafi starfað fyrir erlend ríki á laun. 28. apríl 2021 18:32
Rússar reyndu að hafa áhrif á bandamenn Trump Vladímír Pútín Rússlandsforseti skipaði persónulega fyrir um tilraunir rússnesku leyniþjónustunnar til þess að koma höggi á Joe Biden í aðdraganda forsetakosninganna í Bandaríkjunum síðasta haust. Leyniþjónustan er meðal annars sögð hafa háð leynilega herferð til þess að hafa áhrif á nána bandamenn Donalds Trump, þáverandi forseta. 17. mars 2021 09:25