Erlent

Græn­lenskur togari sokkinn eftir tveggja daga elds­voða

Atli Ísleifsson skrifar
Lögreglu á Grænlandi barst tilkynning um eld um borð í togara um kvöldmatarleytið á mánudag.
Lögreglu á Grænlandi barst tilkynning um eld um borð í togara um kvöldmatarleytið á mánudag. Lögregla á Grænlandi

Grænlenski togarinn Polar Aassik er nú sokkinn undan ströndum Qasigiannguit á vesturströnd landsins, en eldur hafði logað í skipinu í um tvo sólarhringa.

Frá þessu greindi lögreglan á Grænlandi í nótt. Í tilkynningunni segir að togarinn, sem er í eigu útgerðarfélagsins Polar Seafood, hafi sokkið á tiltölulega skömmum tíma eftir að sjór komst inn í skrokk skipsins.

Lögreglu á Grænlandi barst tilkynning um eld um borð í togara um kvöldmatarleytið á mánudag, en skamman tíma tók að bjarga öllum tíu skipverjum að landi.

Mikill reykur hafði borist frá skipinu og var því beint til íbúa í Qasigiannguit að loka gluggum og halda sig fjarri ströndinni.

Vinna hófst í morgun við að koma í veg fyrir að olía leki frá skipinu.

Polar Aassik var smíðað árið 1988 og er 33,5 metra langt og um tíu metrar að breidd.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.