Fimm særðir eftir skot­á­rás í Sví­þjóð

Samkvæmt upplýsingum frá lögreglu hafa þrír komist á sjúkrahús af sjálfsdáðum en tveir fundust særðir á vettvangi. Talsmaður lögreglu segir að um skotsár sé að ræða í öllum fimm tilvikum.

Hinir særðu eru allir karlmenn á þrítugs og fertugsaldri. Ekki er ljóst hversu illa þeir eru særðir. Lögregla er með viðbúnað á sjúkrahúsinu og hefur öll umferð að því verið stöðvuð til þess að tryggja öryggi starfsfólks ef til árásar þar skyldi koma.

Tilkynnt var um skothvelli við Västra Sandgatan á níunda tímanum í kvöld og var lögregla fljót að komast á vettvang. Þar hafði orðið bílslys stuttu áður, þar sem tveir bílar skullu saman, sem lögregla telur tengjast skotárásinni.