Á morgun verður hafist handa við að ýta út krapa sem hefur safnast við veginn við Jökulsá á Fjöllum. Í gær þurfti að loka þjóðvegi eitt milli Mývatns og Egilsstaða vegna krapastífllu sem flæddi yfir veginn.
Brynjar Ástþórsson, verkstjóri hjá Vegagerðinni, tók myndirnar sem sjást í spilaranum hér fyrir neðan. Hann segir að eina sem sjáist á svæðinu sé krapi svo langt sem augað eygir. Hvorki sé hægt að sjá ofan í ána né heyra í rennsli.
Vegurinn var opnaður í dag undir eftirliti Vegagerðarinnar en var lokað aftur klukkan sex í varúðarskyni. Hann verður opnaður aftur klukkan níu í fyrramálið.
Verkstjóri á Húsavík sem staddur er við Krapastífluna við Jökulsá á Fjöllum óttast að fleiri krapastíflur séu í ánni. Lögreglan á Norðurlandi eystra er á leiðinni með dróna til að ná betri yfirsýn.
Hringvegurinn milli Mývatns og Egilsstaða er enn lokaður þar sem krapastífla flæðir yfir veginn við brúna yfir Jökulsá á Fjöllum.
Krapastífla flæðir nú yfir þjóðveg 1 við brúna yfir Jökulsá á Fjöllum. Vegurinn milli Mývatns og Egillstaða er lokaður af þessum sökum. Lögregla segir „krapahauginn“ einna líkastan snjóflóði; hann sé um þriggja metra djúpur og nái yfir um 200 metra vegkafla.
