Erlent

Loka breska þinginu í mánuð

Kjartan Kjartansson skrifar
Grímuklætt fólk gengur fram hjá breska þinghúsinu í Westminster. Lítið verður um að vera þar næstu vikunnar.
Grímuklætt fólk gengur fram hjá breska þinghúsinu í Westminster. Lítið verður um að vera þar næstu vikunnar. Vísir/EPA

Fundum á breska þinginu verður frestað í að minnsta kosti fjórar vikur frá deginum í dag að meðan yfirvöld reyna hvað þau geta til að hefta útbreiðslu kórónuveirufaraldursins. Þriggja vikna páskafrí átti að hefjast 31. mars en ákveðið var að ekki væri á það hættandi að þingmenn og starfsfólk smituðust ef þingstörfum yrði haldið áfram næstu daga.

Þegar hafði verið gripið til ráðstafana á breska þinginu vegna faraldursins eins og að banna heimsóknir gesta og takmarka hversu margir þingmenn máttu vera í þingsalnum á hverjum tíma svo þeir gætu haldið sig í nægilegri fjarlægð hver frá öðrum til að forðast smit, að sögn Reuters-fréttastofunnar.

Búist er við því að lávarðadeild þingsins samþykki neyðarlöggjöf í dag sem veitti stjórnvöldum umfangsmikil völd til þess að bregðast við faraldrinum.

Faraldur kórónuveiru (COVID-19) Bretland

Tengdar fréttir

Útgöngubann sett á í Bretlandi

Boris Johnson, forsætisráðherra Breta, kynnti í ávarpi sínu í kvöld víðtækar takmarkanir sem ætlað er að hefta útbreiðslu kórónuveirunnar þar í landi.

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið