„Roon­ey gæti orðið fram­tíðar­stjóri Manchester United“

Ole Gunnar Solskjær, stjóri Manchester United, segir að Wayne Rooney gæti einn daginn taka við stjórastöðunni hjá þeim rauðklæddu frá Manchester.

United mætir Rooney og félögum í Derby er liðin mætast í enska bikarnum á Pride Park í kvöld en Rooney er spilandi aðstoðarþjálfari Derby.

Hann tók við því starfi þann 1. janúar og hefur verið í teymi Phillip Cocu. Norðmaðurinn segir að það gæti verið eitt skref í átt að starfinu á Old Trafford.

Solskjær var spurður hvort að hann sæi fyrir sér að Rooney myndi einhverntímann taka við starfinu hjá United og það lá ekki á svörum:

„Já,“ sagði Solskjær og hló. „Það fer eftir því hvað þú leggur mikið í þetta starf því þetta tekur yfir lífið þitt. Þetta er næst besta starfið, eftir því að spila leikinn.“

.@ManUtd boss Ole Gunnar Solskjaer believes all-time leading goalscorer and former captain @WayneRooney could manage the Red Devils in the future. #MUFC#Rooneyhttps://t.co/IeFonMQvEm

— FOX Sports Asia (@FOXSportsAsia) March 5, 2020

„Ég er viss um að það eru margir fyrrum leikmenn og stjórar sem væru til í að vera í mínu starfi.“

Skilaboð Solskjær á blaðamannafundinum voru skýr. Hann sagðist vilja vinna titla með félaginu og myndi setja það ofar á listann hjá sér en að fara í gegnum heilt tímabil án þess að tapa.

Leikur Derby og United er í beinni á Stöð 2 Sport í kvöld en leikurinn hefst klukkan 19.45.