Tólf ára drengur handtekinn vegna rasískra skilaboða

Greint var frá því í dag að Wilfried Zaha, leikmaður Crystal Palace, fékk vægast sagt ógeðfelld skilaboð frá stuðningsmanni Aston Villa í morgun. 

Lögreglan í Birmingham hefur nú handtekið 12 ára strák vegna málsins eftir rannsókn lögreglu. 

Roy Hodgson, þjálfari Zaha hjá Palace, telur rétt hjá Zaha að hafa gert málið opinbert.

„Ég tel það hafa verið mikilvægt. Umræða um þessi mál hefur verið áberandi á vegum „Black Lives Matter“ og allir eru að leggjast á eitt til að reyna að útrýma svona hegðun,“ sagði Hodgson.