Heimavöllurinn, hlaðvarp sem einblínir á kvennaknattspyrnu hér á landi, gaf á dögunum út spá sína fyrir Pepsi Max deild kvenna í sumar. Talið er að deildin í sumar verði mun jafnari en á síðustu leiktíð þar sem bæði Valur og Breiðablik fóru taplaus í gegnum sumarið.

Fylkir, Selfoss og KR hafa öll styrkt sig gífurlega í vetur og því má reikna með hörku sumri.

Í spá Heimavallarins, sem er í umsjón Huldu Mýrdal og Mistar Rúnarsdóttur, er Blikum spáð titlinum. Þar á eftir koma Valur, Selfoss og Fylkir. 

Þá er nýliðum Þróttar Reykjavíkur og ÍBV spáð falli.