Erlent

Borgin Wu­han opnuð á ný

Kristín Ólafsdóttir skrifar
Ný smit eru nær hætt að greinast í Wuhan og í síðasta mánuði hófu yfirvöld að aflétta hluta af hinum ströngu takmörkunum sem komið var á vegna faraldursins í janúar.
Ný smit eru nær hætt að greinast í Wuhan og í síðasta mánuði hófu yfirvöld að aflétta hluta af hinum ströngu takmörkunum sem komið var á vegna faraldursins í janúar. EPA

Kínverska borgin Wuhan, þar sem heimsfaraldur kórónuveiru á upptök sín, var opnuð á ný í dag eftir að hafa verið lokað í tæpa þrjá mánuði.

Íbúum borgarinnar er nú heimilt að ferðast óhindrað um borgina og yfirgefa hana, að fengnu samþykki heilbrigðisyfirvalda í gegnum smáforrit. Þá hefur aftur verið opnað fyrir lestar-, flug og bílaumferð inn og út úr borginni.

Ný smit eru nær hætt að greinast í Wuhan og í síðasta mánuði hófu yfirvöld að aflétta hluta af hinum ströngu takmörkunum sem komið var á vegna faraldursins í janúar.

Frá og með deginum í dag verður starfsmönnum svokallaðra „mikilvægra stétta" jafnframt heimilt að snúa aftur til vinnu.

Faraldurinn er í rénun í Kína en heldur áfram að sækja í sig veðrið annars staðar í heiminum. Síðasta sólarhringinn létust til að mynda yfir 1.800 manns úr veirunni í Bandaríkjunum. Fleiri hafa ekki látið lífið á einum sólarhring í landinu síðan faraldursins varð þar fyrst vart.

Tilfelli á heimsvísu eru nú orðin rúmlega 1,4 milljónir og yfir 82 þúsund hafa látist af völdum hennar.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.